أحدث الوصفاتالاطباق البحرية

نودلز بالروبيان سهل ولذيذ


| نودلز بالروبيان سهل ولذيذ |

أول شيء نجيب روبيان حجمه وسط طازج
لكن ما كان عندي فاستخدمت المجمد ماركة الكبير وخلطت معه نشاء و قلبتهم مع بعض ..
بعدين في تاوة عميقة أضفت الزيت وأخليه يحتمي شوي بعدين نزلت الروبيان وقلبته فيه وأضفت عليه بابريكا مطحون حار وبارد وفلفل أسود وخليته شوي بس يتماسك بعدين شلته في صحن وخليته على جنب ..
وبعدين بنفس التاوة .. أضفت شوي زيت ونزلت الثوم المهروس وبعده شرائح البصل والفلفل الرومي الملون وقلبتهم مع بعض بعديت أضفت خل أبيض وخل بلسمك بالعنب وبعدين الخضروات كل شيء تحبينه أضيفيه افتحي ثلاجتك وحطي كل الموجود .. جزر شرائح ، كوسة شرائح ، ملفوف شرائح ، بروكلي ، فاصوليا ، ميني ذرة ، ونضيف شوي من البهارات البيهضاء والملح وصويا صوص الحلوة والمعتدلة وصوص حار مثل شطة تباسكو أو سومطرة وأي نوع صوص أنتم تفضلونه مع النودلز مثل : صوص الترياكي وغيره .. بعد ماتذبل الخضار شوي مع بعض نرجع الروبيان وآخر شيء نضيف النودلز أو الاندومي اللي بالخضار أسرع وأسهل ومتوفر بكل البقالات تحطونه بماء مغلي ما ياخذ ولا 3 دقايق يتفكك عن بعض وبعدين قلّبوه مع المكونات كلها واستمتعو باللذاذه 👌🏻 .

** عند التقديم : تضيفون ع الوجه بصل أخضر شرائح وممكن تخلطون مكسرات سمسم وكاجو مقلي على حسب الذوق .. وزيت السمسم حلاته ينضاف بالأخير
شيء بسيط مو حلو تضيفونه بالبداية لأنه سريع الاحتراق .. و بألف عافيه على قلوبكم 💕

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى