أحدث الوصفاتالساندوتشات والمعجنات

ميني خبيزآت

ميني خبيزآت بطريقة تقديم جميلة 😍🍃

** العجينة :

  • ٣ أكواب طحين
  • نص م ص ملح
  • نص م ك خميرة فورية
  • م ك سكر
  • ملعقتين كبار حليب بودرة
  • م ك زيت زيتون
  • كوب وربع ماء دافي

تعجن المكونات بالعجانة لمدة 10 دقايق ثم ترتاح نص ساعة ثم نكورها ونريّحها ربع ساعة ثم نفردها ونريّحها بعد ربع ساعه ..
ثم نحمّي التاوة 🔥 ونقلّب عليها الخبيزات لين تتنفّخ وتتحمر من الجهتين وهي ساخنة ندهنها بشوي زبدة ✨

** حشوة الدجاج :
نشوح قطع دجاج مبرّده مقطعة قطع صغيره ومتبله بالبهارات الايطاليه والفلفل الاسود والأحمر ..
وبعدين نشيل الدجاج بصحن اذا تماسك وبنفس التاوه / نشوح ثوم مهروس مع الزيت والاعشاب الايطاليه إذا طلعت ريحتها أضيف عليها الفلفل الرومي الملون المقطع شرائح رفيعة بعدين أضيف الدجاج نخليه يكمل استواء وآخر شيء نضيف كريمة طبخ ونحط الملح لين تصير عندنا حشوه لذيذه متسبّكه على بعض ، ولمن نطفّي النار نضيف رشة بقدونس مفروم 🍃

** سلطة الافوكادو 🥑 :
بصل أحمر ، فلفل رومي ، طماطم مقطعين مكعبات صغيره جداً ونخلطها مع حبة افوكادو مستويه نهرسها زين مع المكونات ثم نضيف نص عصير ليمونة مع الفلفل الاسود والاحمر ورشة ملح وشوي من الكزبرة المفرومه 🍃

اللي بالنص دقوس أحمر والأخضر عباره عن بيستو الريحان و مايونيز و أوراق جرجير والشيبس مرامي بنكهة الهلابينو 🌶 .

تقدرون تبدّعون في التقديم مع الحمسات اللي تحبّونها 😍 مرررررره حبّو الفكرة خصوصاً إن الأذواق تختلف فكل أحد يضبّط له أحلا سآندوتش ع المزاج 👌🏻
.
.
عليكم بالعافية مقدماً 🤍✨

5/5 - (1 صوت واحد)

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى