أحدث الوصفاتالساندوتشات والمعجنات

مناقيش عالسريع

مناقيش عالسريع
هيك منعمل منقوشة العكاوي in lebanon

بلبنان كنا كل اسبوع بالعطله
امي تحضر كاسة الزعتر – الكشك – العكاوي

كنا نروح مشي 🚶🏼‍♀️عالفرن
ونطلب العجين
طبعا بدنا ننطر ليخلص الفران
طلبات الVip👩🏼‍💼 يعني طلبات مناقيش
يلي بيطلبوهن جاهزين الزبائن الكلاس
بروحو مش حاملين شي بيطلبو جاهز🤣
طبعا هيدي الاحداث من ٢٠ سنه
كان يلي بيطلب جاهز من اي مطعم
كان خواجه 💂🏻‍♀️
بعد طول انتظار بيسرخ الفران 👨🏼‍🍳
تعو خدو لوح الخشب

اللوح بكون علي شي ٥ حبات

وهون بتبلش ابداعات كل ولد امو مباعتيتو
🤣🤣🤣
هو و شطارتو
ياما ولاد نص الزعتر عاللوح والنص عالمنقوشه
وهون اكيد بهالحاله رح يتبهدل من الفران
لانو وسخلو اللوح😖
يا ويلو وسواد ليلو يلي بينسى الملعقه او شي كاسه او جاط عند الفران 🤪
الاحسن ما يرجع البيت لعند امو 🤣

وبعدني لهلأ كل ما انزل لبنان
بروح عند فران الضيعه وبعمل المناقيش
انتظروني قريبا رح صورلكن المشوار

العجينه للصراحه ما عيرت
يعني شوية طحين رشة سكر ملح خميره
شوية backing powder
حليب دافي للعجن و ماء دافي
وشوية زيت زيتون وبس

رح اكتب المقادير احسن تكرم عينكن

  • ٣ اكواب طحين
  • ١ ملعقه صغيره خميره
  • ١ ملعقه صغيره backing powder
  • ١ ملعقه صغيره سكر
  • ربع كوب زيت زيتون او نباتي
  • نصف كوب حليب دافي
  • ونصف كوب ماء دافي حطو الماء شوي شوي وعجنو اذا طلعت رخوه زيدو طحين واذا سميكه زيدو ماء

خمرتا ساعه بعدين قطعتها وريحتها ١٠ دقائق
بعدين مديت العجينه وريحتها ١٥ دقيقه

وبس

5/5 - (2 صوتين)

fatmee kitchen 🇱🇧🇰🇼

FATMEE_KITCHEN ‏From Lebanon 🇱🇧 Living in Kuwait 🇰🇼
زر الذهاب إلى الأعلى