أحدث الوصفاتالساندوتشات والمعجنات

مناقيش الزعتر والجبن

مناقيش الزعتر والجبن

بتمنالكم بداية اسبوع ينتهي فيها اي شي بألمكم وتسبشروا خيرا بفرج قريب 🙏🏻 بتمنالكم بداية توفيق ونجاح باذن الله ❤️

مناقيش الزعتر والجبن الحب الكبير ❤️

للعجين :
بنذوب نصف معلقة صغيرة ممسوحة خميرة مع كوب ونصف ماء دافي ومعلقة كبيرة سكر وبنتركهم خمس دقايق
بوعاء العجانة بنضيف نصف كيلو طحين
معلقة صغيرة ملح
ربع كوب زيت زيتون او نباتي
٣ معالق حليب بودرة

واخر شي بضيف عليهم مقدار السوائل واهم شي ترتاح العجين لو حابين تحصلوا ع نتيجة منيحة اتركوها ٤ ساعات تتخمر وكل ساعة اعملو عملية طي للعجين يعني فقط خذوا الاطراف ودخلوها للداخل ولو مستعجلين حطوا ثلاث ارباع المعلقة الكبيرة خميرة واتركوها ترتاح ساعة

تخبز العجين ع حرارة جدا عالية بالرف تحت الاوسط وبالعافية .
الوصفة من صديقتي الغالية ام حسن @lebanese_delights

قيم هذه الوصفة
زر الذهاب إلى الأعلى