أحدث الوصفاتالاطباق الرئيسية

ملوخيه خضرا مثلجه باللحمه

.
.
.
بلبنان و بسوريا مناكلها ورق
.
وكمان منطبخها مفرومه بس قليل جدا .
. منقطف الملوخيه بموسمها ومنغسل الورق و منشفوص و منقلي بزيت خفيف و منبردو و منثلجو بأكياس
الطريقه مصوره 👇🏻👇🏻👇🏻
.
#حفظ_الملوخيه_فاطمه_كتشن .

ملوخيه خضرا مثلجه باللحمه .
.باللحمه خصوصا غنم واذا كانت بالعضم يا سلااااااااام افخم من الدجاج بالف مره 👌🏻👌🏻👌🏻👌🏻.
.

سلقت اللحم بورق غار حبتين هيل بس ما بحط قرفه ولا بكتر هيل عشان ما بدي طعم بهار بمرق اللحمه عشان طعم الملوخيه يكون سوبر اكسترا 👌🏻 وبحط بصله الملح بس تستوي اللحمه بضيفو .
بمقلايه حطيت زيت نباتي و زيت زيتون و الثوم المهروس و الكزبره و فلفل حر مجفف او اخضر اذا بدك التقلايه حره فتحو الحر طبعا طيبه حره بس يلي عندو ولاد يخلي مسكر .
بعدين ضفت اللحمه المسلوقه عالتقلايه .
و صفيت مرق اللحم و ضفت الملوخيه المثلجه طلعتها قبل بساعه بس عشان بتسود .
خليت الملوخيه تغلي بمرق اللحمه ربع ساعه بعدين ضفت التقلايه اذا في بصل صغير اشوو البصل عالغاز وحطو مع الملوخيه بصلتين صغار بعدين غطيت كمان شي ربع ساعه مندوس ورقه ان ستوت بحط زيت زيتون غلوتين و بطفي بحط ليمون بس ناكلها بالصحن .
.
#ملوخيه_فاطمه_كتشن

 


قيم هذه الوصفة

fatmee kitchen 🇱🇧🇰🇼

FATMEE_KITCHEN ‏From Lebanon 🇱🇧 Living in Kuwait 🇰🇼
زر الذهاب إلى الأعلى