أحدث الوصفاتالاطباق الرئيسية

مكرونه بالباشاميل

مكرونه بالباشاميل:

اسلقي مكرونه بمويه وملح وشوي زيت وخليها لين تبرد شوي

بعدين اخلطي معها علبة قشطه و3 ملاعق مايونيز و4 ملاعق جبن سايل وصفي نصها بصينية الفرن وخلي النص الثاني ع جنب

وابدي سوي خلطة الدجاج اول شي قطعي دجاج فيليه مستطيلات صغيره وبعدها حطي شوي زبده ع النار وقلبي عليه الدجاج

وضيفي له البهارات ( ملعقه صغيره بهار الكاري +شوي ليمون اسود مطحون +شوي بهارات مشكله + شوي كزبره مطحونه ) وملح وصويا صوص

وخذي ملعقة معجون طماطم وذوبيها في فنجال فيه مويه وبعدها ضيفيها للدجاج وحركي لين تتسبك الخلطه آخر شي بعد ماتطفين النار ضيفي للخلطه بقدونس الحين حطي خلطة الدجاج ع طبقة المكرونه اللي صفتيها

وبعد الخلطه حطي طبقه ثانيه من المكرونه

وبعدها سوي صلصة الباشميل حطي في قدر ( اربع أكواب ماء + 8 ملاعق طعام حليب بودره + 6 ملاعق طعام طحين + علبة جبن شيدر متوسطه مبشوره + فلفل اسود + مكعب ماجي )

حطي القدر ع النار واخلطي المقادير لين يثقل الخليط شوي بعدها صبيه ع المكرونه ودخليها الفرن تتحمر من فوق وبالعافيه 😘

هل الفيديو لا يعمل؟ إضغط هنا

 

قيم هذه الوصفة

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى