أحدث الوصفاتالحلويات

معمول جدتي

معمول جدتي 🤗✨

طبعاً الطريقة طريقة جدتي يعني من زماااااان 💁🏻‍♂️✨

ملاحظة قبل أبدا في الطريقة والڤيديو : المقادير اللي بالڤيديو دبل خمس أضعاف من الطريقة الاصليه 👇🏻🤗

فلا احد يجي يتفلسف احنا مسويين كمية كبيييره 👌🏻✨

اعزائي المشاهدين من كل بيت اعزائي المشاهدين في كل مكان 💁🏻‍♂️✨
سلام عليكم ورحمه الله وبركاته ✨
كل سنه وانت بخير
وربنا ما يقطع لنا عاده ولا يحرمكم مني ولا يحرمني منكم 🤗
وياارب قدرنا دائماً على فعل الخير 😊
وكثر يااارب من الايك وشير 😁
(رامز جلال مأثر فيني ) 😂😂😂
ما علينا من المقدمة 😂😂😂🤣

الطريقة : ✨
اول شيء في قدر على نار 🔥نذوّب
نص كوب زيت
نص كوب سمن (فارم او ملعقة و شوكة)
اصباع زبدة (100جرام)
مع بعض الى ما تذوب كلها مع بعض
كذا نكون خلصنا خليط السمن .
المكونات الجافة
نص كيلو دقيق (يعني 4 اكواب) (فاخر كويتي او شيء كويس ) (ما انصح ب ابو ريالين)
ربع كيلو سميد( يعني كوبين)
ملعقة كبيره سمسم
نص ملعقة صغيرة بيكنج باودر
ونص ملعقة صغيرة ڤانيلا
ملعقة صغيره بهارات المعمول عباره عن ( شمر و يانسون ومحلب و قرفة وهيل و زنجبيل ) مطحونة مع بعض ممكن نأخذها من الماركت جاهزه او من عند العطارين ✨
ونمزجهم مع بعض 🥣
ونصب عليهم خليط السمن بالتدريج ✨
ونعجنها بملعقة خشب لان السمن حاار 🔥✨
وبعد ما نعجنها كويس 🥣 نخلي العجين تبرد وترتاح لمده نص ساعة ⏱

وبعدين نعجن العجين باليد مع كوب ماء 💧

وبس كذا خلصنا عجين المعمول 🤗✨

ونحشيها ( تمر ، فستق ، جوز ) كيفكم 💁🏻‍♂️✨ ونحطها في قالب المعمول 👌🏻✨

ونخبزها في صينيه ( أفضل الصواني الالمنيوم ) بفرن اعلى شيء من تحت 🔥لمده 8 الى 10 دقائق ⏱
وبعدين نشغل الفرن من فوق ونحمر وجه المعمول ✨
وبس كذا نطلعها من الفرن 🔥
ونخليها تبرد كويس عشان تتماسك 👌🏻✨
وقت التقديم نرش عليها السكر المطحون ✨
وبالعافية عليكم 🤗 معمول العيد الهش اللي يذوب بالفم 👅👌🏻✨
وكل عام وأنتم بخير 🤗✨

ملاحظة :المقادير هاذي تسوي لكم 50 حبه معمول تقريباً 🤗✨ وحسب القالب حقكم اذا كبير او صغير يعني ممكن تسوي لكم اكثر 💁🏻‍♂️✨

5/5 - (1 صوت واحد)

رياض الخالد 🍴

👨🏻‍🍳 هاوي و مُحب للطبخ JEDDAH ☀️🇸🇦 احب الاكل السهل وسريع واللذيذ✨🍴 Snap:rodr_1997 👻 فضلاً عند اخذ وصفة منشن وتاق ✋🏻✨ 📧 : [email protected]
زر الذهاب إلى الأعلى