أحدث الوصفاتالاطباق الرئيسية

مشوي القدر

مشوي القدر هو مقلوبة بطريقة ونكهة خليجية وغالبا يجمع بين الحلاوة والحموضة اليوم بسويه بنكهة لذيذة لاحالي ولاحامض

القدر هذا عجيب استخدمت اليوم مقاس ٨ لتر يعمل بهدوء ومايحتاج تراقبينه وممكن توقتينه يشتغل في وقت محدد

صغط زر الدجاج وحطيت الزيت يسخن واضفت البصل والبهار الصحيح لين يذبل ثم الثوم والزنجبيل واقلب ثم اضيف الدجاج والطماطم ومعجون الطماطم والخضار فلفل بارد وجزر وبطاطس وباذنحان الي تحبون حطوه والبهارات ( ملح وبهار الدجاج وبهار عثماني وبديل الماجي) اقلبه واضيف اقل من كوب ماء واضغطه بس ٩د
اسلق رز نص سلق في بهارات بيضاء وبهارات حب واصفيه

بعد مرور ٩ د افرغ الهواء واحط المكرونة بدون سلق والرز ( اضفت بعار خلص اسمه التسكيرة) مو ضروري بس يعطي نكهة خنينة للرز
اقفل واختار الرز

كنت ابيه يشتغل بعد نص ساعة فاخترت الرز ثم اعداد التوقيت ثم نص ساعة وتركته
فرغته من الهواء لما خلص وقته وتركته شوي تخف حرارته وقلبته عشان يطلع معانا قالب لازم تهدا حرارته شوي وجربوها تجننننن

4/5 - (1 صوت واحد)

الشيف حصة Chef Hessa

Founder of @tawlifat_hessa Author of tawlifa cookbook 😍 شيف ومدرب معتمد 👩🏻‍🍳 للاعلان ٠٥٥٧٧٩٩٠٤٩
زر الذهاب إلى الأعلى