أحدث الوصفاتالاطباق الرئيسية

مجدره حمرا بالبرغل

.
مجدره حمرا بالبرغل
لتحصلو عاللون هيدا للمجدره لازم البصل
تحمرو كتير ستي الله يرحمها كانت تقول بس يدخن طفو النار
اذا ما تحمر كتير ما بيطلع لونها هيك .
.يعني قبل ما يحترق
. 🚒🚒🚒🚒🚒🚒 .
طفو النار صفو زيت البصل .

وصفة المجدره بالرز .👇🏻👇🏻👇🏻
#مجدرة_رز_فاطمه_كتشن
#مجدره_حمرا_فاطمه_كتشن
.مناكلها بالخبز و حدها صحن سلطه
٢كوب و نص عدس احمر صغير و ٣ اكواب برغل اسمر خشن
.
الطريقه : منقي العدس منيح منغسل العدس لنتأكد ما في تراب ابدا
منسلق العدس هو و عم يستوي منبلش نقلي بالبصل .
منحط زيت بطنجره ومنقلي البصل المقطع
بعد ما تحمر البصله وتسير بنيه عالاخر ما بضل فيها لون ابيض نهائيا و منصفي البصل ومنحط علي مية العدس ومنحط ملح اذا مية العدس ما كفت منزيد مي ومنحط زيت البصل عالعدسات .
منخلي البصل يغلي مع مية العدس ٥ دقايق الى ١٠ دقايق
بعدين منحط البرغل الاسمر الخشن والعدس
فوق البصله وميتها
لتعرفو مستوى المي لازم تكون مستواها اقل من اول عقدة الاصبع
خلوها تغلي غليه قويه بعدين خففو تحتا و ما تغطو الطنجره .
بس تنشف ميتها منحط عالوج زيت زيتون بس يستوي البرغل منطفي . .
#مجدره_فاطمه_كتشن

 

قيم هذه الوصفة

fatmee kitchen 🇱🇧🇰🇼

FATMEE_KITCHEN ‏From Lebanon 🇱🇧 Living in Kuwait 🇰🇼
زر الذهاب إلى الأعلى