أحدث الوصفاتالاطباق الشعبية

مجبوس امي بالروبيان


الوصفة:
ننقع الرز نص ساعة
في القدر حطيت سمن بلدي اطعم وبصل لين صار ذهبي وحطيت الروبيان مانخليه يستوي بس ياخذ صدمه عشان يبقى طري واضيف البهارات ( بهاراتي للسمك وكركم وكزبرة ولومي وشوي هيل) واقلب ثم اشيل الخلطة اخلي شي بسيط بس للطعم
اضيف بهارات حب وحبتين طماطم مبشورة وفلفل حار وبارد وكزبرة خضراء واقلب ثم اضيف الماء والملح ( كل كوب رز حطيت له كوب ونص او كوب وربع ماء) بس يغلي اضيف الرز والحرارة عالية
اذا اختفى الماء من السطح اسوي حفرة واحط فيها خلطة الروبيان واغطيها بالرز واهدي الحرارة واغطيه نص ساعة
ويكون جاهز بالف عافية

💔💔💔 ارجوووووووكم هذي طريقتنا وطريقة امي الي توارثتها من امها ارجوكم ماقلت انها طريقة احد تخر طريقة امي امي امي .. وكذا اسمها ان قلت بلد قلتوا لااااااا مو كذا وان قلت اسم وصفة قلتوا اسمها مو كذا والان وصفتنا الخاصة ياعالم ارجوكم احترموا وركزوا في المحتوى فعلا اتعب لين يوصلكم💔💔💔💔 نفسي انزل وصفة بدون مو كذا .. الطبخ ماهو قران منزل مانحرف فيه ابدعي وابتكري

قيم هذه الوصفة

الشيف حصة Chef Hessa

Founder of @tawlifat_hessa Author of tawlifa cookbook 😍 شيف ومدرب معتمد 👩🏻‍🍳 للاعلان ٠٥٥٧٧٩٩٠٤٩
زر الذهاب إلى الأعلى