أحدث الوصفاتالحلويات

ماربل كيك بكريمة الشوكولاته

وصفتنا اليوم ماربل كيك بكريمة الشوكولاته

لازم تجربوها 😍
بس اعملوا طبقات من الخليط الابيض والشوكولاته لاتعملو مثلي وبعدين ماتلاقو شكل الماربل بالنص حيكون كله فوق 🤣🌚💔

مقادير الكيك :

  • كوبين دقيق
  • كوب سكر
  • كوب حليب سايل
  • نص كوب زيت
  • ٢-بيض
  • ملعقه صغيره فانيليا
  • ملعقه كبيره بكنج باودر
  • ملعقه صغيره كاكاو

طريقة الكيك :
في زبديه نحط البيض والسكر والفانيليا ونخلط الين يصير الخليط فااااتح وكريمي ونضيف الزيت والحليب ونخلط واخر شي نضيف الدقيق والبكنج باودر ونخلط وناخذ تقريباً ٥ ملاعق من الخليط ونحط له ملعقه صغيره كاكاو ونخلط وناخذ صينيه مدهونه زيت ومبطنه بورق زبده او نرش لها دقيق ونحط طبقات من الخليط الابيض والشوكولاته ونحركهم بسكين او بعود خشب وندخل الكيك الى الفرن درجة حراره ١٨٠ من تحت في الرف الوسط لمده ٢٥ الى ٣٠ دقيقه ونطلع الكيك ونتركه يبرد ونقطع الجزء المنفوخ اللي فوق من الكيكه عشان تصير متساويه ونبدأ نحط الكريمه

المقادير للكريمه :

  • ٢٠٠ غرام زبده بحرارة الغرفه
  • كوب ونص سكر بودره
  • نص كوب كاكاو مر
  • ١٠-جبن كريمي

طريقة التحضير

في زبديه نحط كل المكونات ونخلط الين يمتزج الخليط ويتجانس تماماً ونزين الكيكه

واخر شي نحط طبقه اخيره من شوكولاته اوفومالتين او نوتيلا او اي نوع شوكولاته
هذه الخطوه اختياريه 👆🏼

وندخل الكيكه الثلاجه تتماسك الكريمه كويس ونقدمها وبالعاااااافيه ♥️♥️

اهم الملاحظات لنجاح الكيكه :
1 :نختار مكونات تكون جودتها عاليه واهم شي الدقيق والباكنج باودر
2: نتاكد من تاريخ صلاحية كل المنتجات
3 : نستخدم الاكواب المعياريه
4:نسوي نفس المقادير المكتوبه بالوصفه يعني مانزيد او ننقص شي من راسنا
5: نختار مقاس قالب كيك مضبوط والافضل يكون وسط مو كبير ولا صغير
6: تكون كل المكونات بدرجة حرارة المطبخ
مو بارده
وبس اتبعو كل هذه النصايح وباذن الله تطلع معاكم الذ كيكه

قيم هذه الوصفة

منى علي | mona ali

وصفات اقدمها لكم بكل حب ♥️ . يشاركني الطبخ اطفالي تاله ويوسف👧🏻👦🏻 . للإعلانات والتغطيات التواصل على 👇🏼 WhatsApp: 0568997437 . Jeddah :Saudi Arabia 📍
زر الذهاب إلى الأعلى