أحدث الوصفاتالحلويات

كيك الطيبين او كيكة أمي

كيك الطيبين ✨
او
كيكة أمي 💙

أمي كانت تسوي هذي الكيكة كل أربعاء عشان ويك إند وكذا 💁🏻‍♂️ نيجي من المدرسة نشم ريحة الكيك من باب البيت 👌🏻✨ ومع فنجال شاي ☕️ اقسم بالله ذكريات 💙

اوكي هذا الكلام اقل شيء له 10 سنوات بس كذا حبيت أشارك معاكم شويه ذكريات ✨💙

اهم شيء بهذا الكيك بدون فلسفة وسهل وسريعة ب 10 دقائق يكون القالب بالفرن 🔥 ومثل القطن 👌🏻
مو مثل دحين الواحد تعقد على كثر التفلسف في وصفات الكيك الواحد صار يخاف يسوي كيك عشان ما تفشل معاه 🌚

. 🍰✨

المقادير

  • ثلاث بيضات 🥚
  • نص كوب سكر ✨
  • فانيليا 🌼
  • علبه زبادي (yogurt)
  • نص كوب زيت 🥃
  • كوب ونص دقيق ✨
  • ملعقة كبيره بيكنج باودر 🍰
  • رشه ملح 👌🏻

طريقة التحضير

🍰✨
في زبدية 🥣
نخفق البيض والسكر و الفانيلا مع بعض الى ما يذوب السكر بالبيض 💁🏻‍♂️
وبعدين نضيف لهم الزبادي والزيت ونمزجهم مع بعض 🥣
واخر شيء نضيف لهم الدقيق والبيكنج باودر والملح
ونمزجهم مع بعض كويس 🥣✨
وبعدين نصب الخليط في قالب كيك مدهون بزيت او هرده (طحينية سائلة ) ✨
وعلى الفرن من تحت النار وسط (180 تكون درجة الحرارة) 🔥 لمده 30الى 35 دقيقة ⏱🔥
ونحط القالب في الرف اللي بالوسط
وبعدين نطلعها تبرد شوي ❄️

وبس كذا 💁🏻‍♂️🍰✨

ممكن نضيف لها اَي صوص نحبه ✨
(صوص الشوكلت او كراميل او قشطة او عسل ) براحتكم بس انا احبها ساااده 👌🏻☕️🍰✨

وبالعاافية 🤗✨👌🏻🍰

Thank you my mom 💙✨

#حلو_رياض

المصدر

رياض الخالد 🍴

👨🏻‍🍳 هاوي و مُحب للطبخ JEDDAH ☀️🇸🇦 احب الاكل السهل وسريع واللذيذ✨🍴 Snap:rodr_1997 👻 فضلاً عند اخذ وصفة منشن وتاق ✋🏻✨ 📧 : [email protected]
زر الذهاب إلى الأعلى