أحدث الوصفاتالحلويات

كيكة الليمون بالتوت الازرق

كيكة الليمون بالتوت الازرق

الكيكه مره هشه ولذييييييذه لازم تجربوها 🤤👌🏼
بكتب لكم تحت اخر شي اهم الملاحظات

المقادير

– المقادير للكيك :

  • كوبين دقيق
  • كوب سكر
  • نص كوب زيت
  • كوب حليب
  • ربع كوب عصير ليمون
  • ملعقه صغيره بشر ليمون
  • ملعقه صغيره فانيليا
  • ملعقه كبيره بكنج باودر
  • ٣ حبات بيض
  • توت ازرق او مشكل او اي توت تحبوه

– مقادير الكريمه :

  • ١٠٠غرام زبده بحرارة المطبخ
  • ٨ قطع جبن مربعات
  • كوب سكر بودره
  • ملعقه صغيره فانيليا
  • نص ملعقه صغيره بشر ليمون
  • ملعقه كبيره عصير ليمون

طريقة التحضير

طريقة الكيك :
نحط البيض والسكر والفانيليا ونخلط مررررره كويس لين يصير قوام الخليط كريمي وخفيف ولونه فااااتح وبعدها نضيف الحليب والزيت وعصير الليمون وبشر الليمون ونخلط واخر شي نحط الدقيق المنخول وبكنج باودر ونخلط واخر شي نغطي التوت بالدقيق ونحطه على خليط الكيك ونخلط بشويش وناخذ قالب مستطيل حجم وسط وتدهنه بزبده ونرش عليه دقيق ونحط خليط الكيك وعلى الفرن نكون نسختين الفرن من قبلها ب ٥ دقايق على درجة حراره ١٨٠ مئويه وندخل الكيكه ونخليها ٤٠ دقيقه ونفتح عليها ونختبرها بالعود اذا استوت او لسه تحتاج وقت كمان.
انا اخذت معايا ٤٥ دقيقه بالضببببط
نطلعها من الفرن ونتركها تبرد تماماً ونجهز الكريمه

طريقة الكريمه :
نخلطهم كلهم مع بعض
الين تصير عندنا كريمة متماسكه ومتجانسة
نغطي الكيكه بالكريمه ونزينها بالتوت والليمون والفراوله والنعناع ونقدمها وبالعاااااافيه 🤤👌🏼

اهم الملاحظات لنجاح الكيكه :
1 :نختار مكونات تكون جودتها عاليه واهم شي الدقيق والباكنج باودر
2: نتاكد من تاريخ صلاحية كل المنتجات
3 : نستخدم الاكواب المعياريه
4:نسوي نفس المقادير المكتوبه بالوصفه يعني مانزيد او ننقص شي من راسنا
5: نختار مقاس قالب كيك مضبوط والافضل يكون وسط مو كبير ولا صغير
6: تكون كل المكونات بدرجة حرارة المطبخ
مو بارده
‎مانفتح الفرن الا بعد مرور نص الوقت7:
وبس اتبعو كل هذه النصايح وباذن الله تطلع معاكم الذ كيكه 😍👌🏼

4.5/5 - (2 صوتين)

منى علي | mona ali

وصفات اقدمها لكم بكل حب ♥️ . يشاركني الطبخ اطفالي تاله ويوسف👧🏻👦🏻 . للإعلانات والتغطيات التواصل على 👇🏼 WhatsApp: 0568997437 . Jeddah :Saudi Arabia 📍
زر الذهاب إلى الأعلى