أحدث الوصفاتالحلويات

كيكة الاحلام

كيكة الاحلام

– الطبقة الاولى (الكيك):
جميع المقادير بحرارة الغرفة (حجم القالب ٦انش)

  • طحين (ثلثين الكوب)
  • كاكاو بودرة (ثلث كوب)
  • باكينغ باودر ( معلقة صغيرة)
  • باكينغ صودا (معلقة صغيرة)
  • سكر بودرة (كوب الا ربع)
  • معلقة قهوة وسط
  • كوب ماء ساخن
  • بيض (حبة واحدة)
  • زيت (ربع كوب)
  • فانيلا (معلقة صغيرة)
👈 ننخل المكونات الجافة ثم نضيف الزيت والبيض واخر شي بنذوب معلقة القهوة بالماء الساخن وبضيفهم ع الخليط وبنصب الخليط بقالب مدهون بالزيت والطحين وبندخلو فرن محمى مسبقا ع حرارة ١٨٠ من ٢٥-٣٠ دقيقة مع اختبار الشواء.
بنشرب الكيكة بمعلقتين من الحليب او النسكافية البلاك مذوبة بماء وبنقلبها حتى نوخذ سطح متساوي

– الطبقة الثانية (الجناش):
هالطبقة ممكن تخلوها الطبقة الثالثة بدل طبقة الشوكولاتة الخام
نصف كوب من الشوكولاتة مع نصف كوب من الكريمة بنسخنهم بالميكرويف لحتى تذوب الشوكولاتة وبنحطهم فوق طبقة الشوكولاتة وبنتركها حتى تتماسك الطبقة

– الطبقة الثالثة (البودينغ):

  • نشا (٢ معلقة كبيرة)
  • كاكاو بودرة (٢ معلقة كبيرة)
  • سكر بودرة (ربع كوب)
  • رشة ملح
  • كوب حليب
  • ٢ معلقة كبيرة شوكولاتة مبروشة
  • معلقتين من الزيت النباتي
بنحركهم ع البارد بعدها بنحطهم ع الغاز حتى يثقل القوام وبنحطهم كطبقة ثالثة وبنتركها تتماسك بحرارة الغرفة

– الطبقة الرابعة:
بنذوب شوكولاتة وبنسكبها ع الوجه

وبنزينها وقت التقديم ب الكاكاو البودرة وبالعافية

قيم هذه الوصفة
زر الذهاب إلى الأعلى