أحدث الوصفاتالحلويات

كوكيز ساخن مع الايسكريم


.
.
سكليت كوكيز اتعب وانا اقول لذيذ عندنا مطعم مشهور في جده بهذا الكوكيز وربي ان هذا الذ مو مدح في نفسي بس لو تجربوه حتدمنوه 😭🔥👌🏻👌🏻
.
.
حسابي الجديد :
@wejdan_mohammad_1
@wejdan_mohammad_1 .
المكونات ؛
زبدة 200 جرام
سكر بني كوب
شوكلاته خام ” قطع ” 200 جرام او شوكلاتة هيرشي
فانليا ملعقة صغيره
ملح ربع ملعقه صغيره
بيكنج باودر نص ملعقه صغيره
دقيق ابيض متعدد الاستخدامات كوب و٣/4
بيضه كامله + حبة بيض ثانيه بس الصفار .
.
الطريقه ؛
اول شي نحط الزبده في مقلاه فاتح على النار ” مقلاه فاتح عشان اشوفها كيف حيصير لونها وماتنحرق عليا ” ونخليها تغلي لين يغمق لونها شويه وانتبهوا تحرقوها وبعدين نقفل النار ونحط الزبده في صحن وفوقها السكر ونخلط بعدين البيض ونخلط لين السكر يذوب مهم جدا السكر يذوب .. بعدين الدقيق والفانيليا والبيكنج باودر والملح ونخلط المكونات بملعقه اخرى .. وبعد ماتصير زي العجين نحط الشوكلت ونقلبه معاها ونحطها في السكليت او الصينيه او صحن يدخل الفرن كمية العجينه خلو فراغ من فوق عشان حينتفخ الكوكيز وهو في الفرن .
ندخلها الفرن في الوسط درجة 190 نشغل من تحت 15-25 دقيقه حسب الفرن الى عندكم بعد ماتستوي نشغل من فوق 1 دقيقه بس .
ونحط ايس كريم مرره مهم معاها عشان حيكون الكوكيز حار والآيس كريم بارد ما اوصف لكم الطعم 🤦🏻‍♀️🔥🔥 وتشوكلت صوص اي شوكلت صوص عندكم وبالعافيه 💛
.
@wejdan_mohammad_1
@wejdan_mohammad_1 .
كنت ابغى اقول يشهي قلت مررره لذيذ واضح مو قادر اقاومه 😭😭😂 عشان كذا ضحكت وبس

 

قيم هذه الوصفة

وجدان محمد Wejdan Mohammad

Foodie Vlogger - Snapchat👻: wejdan.mohammad - Saudi Arabia🇸🇦 - Jeddah - To communicate 📧: [email protected]
زر الذهاب إلى الأعلى