أحدث الوصفاتالاطباق الرئيسية

كفتة العدس mercimek köftesi

كفتة العدس mercimek köftesi
الاكلة دي سويتها مع ماما قبل ماتسافر بيومين وهيا دحين في تركيا ❤ ونصيحة من أختكم دي الاكلة تسووها في الأجواء الباردة وأي اكلة فيها عدس ماتاكلوها في الصيف 🌚😂😂
المكونات :
مقدار كاسة موية عدس
حبة بطاطس مقشرة ومقطعة ( اختياري )
من كاستين الى ٣ كاسات مويه
مقدار كاسة مويه برغل ناعم حق التبولة
ملعقة اكل صلصة فلفل رومي اذا مو متوفر خلاص خلاص حطو صلصة طماطم
حزمة بقدونس مفروم
٣ أعواد بصل اخضر
حبة بصلة و ٣ فصوص توم
فنجان شاي زيت زيتون
ملح فلفل اسود كمون فلفل احمر مجروش أو بودرة بس مو بابريكا 🔴
الطريقة
نسلق العدس والبطاطس مع كاستين مويه ونحط البهارات عليهم ولما يستوي البطاطس والعدس ولازم ماتنشف مويتهم وإذا نشفت نزود موية حارة ونقفل النار ونحط البرغل الناعم ونقفل القدر دي نقطة مهمة جدا وبعد ١٠ دقايق كدا نحط اللي في القدر في كروانه كبيرة عشان ندعك المكونات ونبدأ نحط الإضافات اول شي الصلصة التركية وبعدين نبدأ نفركهم مع بعض وبعدين البصل الأخضر ونفرك وآخر شي البقدونس وفوقو نحط زيت الزيتون مع البصل والتوم اللي قطعناه صغير بيدنا مو بالخلاط ( نجيب طاوة ونحمي زين الزيتون فيها ونحط البصل والتوم ونخليهم يدبلو ونقفل النار ) لما نحطهم على العدس لازم يكون شويا حار الزيت
وبالعافية عليكم
.
.
.
#جدة #السعودية #مطاعم #امل_الترك #تركيا #اسطنبول #تصويري #مضحك #نكت #كانون #نيكون #food #foodstagram #foodlove #köfte #istanbul #yummy #yemektarifleri #dubai #instafood #recipe #saudiarabia

 

قيم هذه الوصفة

أمل الترك | Amal Al Turk

سعودية 🇸🇦 من أم تركية احب الطبخ ومهتمة بالسفر والسياحة للتواصل 📩 [email protected] Snap👻 : turkishwithamal
زر الذهاب إلى الأعلى