أحدث الوصفاتالحلويات

كريمة الجبن

كريمة الجبن

الوصفة فرنسية البسكويت اضافة من عندي غير موجود بالوصفة الاساسية
بالنسبة لكريمة بياض البيض الني امن للاكل خلال يومين
بياض البيض او صفاره يستخدم بدون طبخ في عدة وصفات
المايونيز والهولنديز والايولي والمارينغ والموس وكريمة الخفق مو شي غريب يعني
بالنسبة للفانيلا ماستخدمتها توقعت البيض ممكن يبين يطلع مايبين ولكم حرية استخدامه

– الطبقة الاولى :

  • ١٢٥ غم بسكويت شاي ( ٣ ارباع باكيت )
  • ٢٥ غم زبدة ( ربع اصبع )

– الطبقة الثانية اخلط هالمقدارين مع بعض :

  • ١٥ غم سكر ( م ك )
  • بياض بيضة

– وهالمقدارين لحالهم مع بعض :

  • ١٥٠ مل كريمة خفق ( نص كوب معياري + ٢ م ك تقريبا )
  • ١٥
غم سكر ( م ك )
باقي مقادير الطبقة الثانية :
  • ١٥٠ غم جبن كريمي ( علبة )
  • نص م ص فانيلا اختياري

اخلط البسكويت بالزبدة في محضرة الطعام واخليه بالقوالب
اخفق الكريمة مع السكر مع بعض وادخلهم الثلاجة
اخفق بياض البيض مع السكر لين احصل على قوام كريمي ثقيل
اضيف الجبن دفعتين على الكريمة واخفق
اضيف كريمة بياض البيض على دفعتين واخلط بالسباتولا
اضيفها في القوالب وادخلها الثلاجة تجمد ساعة عالاقل

– الطبقة الثالثة :

  • ١٠٠ غم فراولة او توت ( نص كوب ) ممكن تغيرون الفاكهه
  • ٣٠ غم سكر ( ٢ م ك )
  • م ك ليمون

اخلطهم مع بعض وعلى نار هادية لين يجهز ممكن تهرسونهم
لين جمدت الطبقه على ماتبرد الكاسات رجعو سخنوها
مع ملعقة كبيرة ماي وترجع لطبيعتها
للزينة : نعناع او ليمون او فراولة الي يناسبكم

قيم هذه الوصفة

CHEF SARA - شيف سارة

Bahraini Chef 🇧🇭 BSC Engineering 👷🏻‍♀️ LCB Cuisine Diploma 👩🏻‍🍳 Traveller ✈️ Whatsapp 📩 00966509968040 iwtsp.com/966509968040
زر الذهاب إلى الأعلى