أحدث الوصفاتالمقبلات

كبه مقليه

♥️😻 كبه مقليه
بمحضرة الطعام وبخطوات سهله وبسيطه 👍🏻

للعجين :
كوبين برغل اسمر ناعم
كوبين ماء فاتر ( لا بارد ولا حار )
ربع كيلو لحم عجل مفروم هبره
بصله صغيره
ملعقه صغيره ملح
نص ملعقه صغيره فلفل ابيض او اسود
نص كوب مويه مثلجه حسب الحاجه

للحشوه :
لحم مفروم
بصل مفروم
ملح وبهار مشكل
دبس رمان

الطريقه :
ننقع البرغل ربع ساعه بمويه عاديه ونفرم لحم العجل الهبره ( بدون دهن ) وتكون اللحمه بارده او نضيفلها مكعبات الثلج لو كانت دافيه ، نفرمها مع البصل بمحضرة الطعام او بفرامة اللحم لو كان متوفر ، نعجن البرغل بعد النقع مع اللحم ونضيفلها ملح وفلفل ابيض او اسود ولو تحبوا تحطوا بهارات حطوا بس الاساس ملح وفلفل ونعجنها باليد ونرجع نفرمها بمحضرة الطعام على دفعات قليله مع اضافة المويه البارده تدريجاً الين ماتتكون معانا عجينه لينه ومتماسكه ونطول عجنها باليد عشان تعطينا نتيجه ترضينا وبس نخلص نغطيها وندخلها الثلاجه تبرد تماماً عشان يسهل معانا تكويرها وتشكيلها بعدين نسوي الحشوه ونتركها تبرد قبل مانستخدمها ، نطلع عجينة الكبه من الثلاجه ونكورها بالحجم اللي نبغاه ونبدأ نكبكب بالمويه المثلجه واذا خلصنا اما نقليها مباشرة او نجمدها بالفريزر ونقليها على طول من الفريزر الى زيت حار وغزير من دون مانحركها ، اول دقيقه على نار عاليه من دون تحريك بعدين نخلي النار وسط عشان تستوي على راحتها وهنا نبدأ نحرك بالراحه عشان ماتفك معانا ولازم نقلي كمية بسيطه من ٣ الى ٤ حبات عشان مايلصقوا ويفكوا جربوها ولاتنسوني من دعاكم 🌷

 

قيم هذه الوصفة

أفنان الجوهر - Afnan

"ماشاء الله تبارك الله" ربي اخترلي ماتراه خيراً لي ‏⠀ 📍استقبل طلباتكم ؛ جده | 0570352722 ‏⠀ قناتي على اليوتيوب : www.youtube.com/channel/UCm_YUu7Yg2TipyO30_TS8iA
زر الذهاب إلى الأعلى