أحدث الوصفاتالمقبلات

كبة بطاط باربع انواع مختلفه

كبة بطاط باربع انواع مختلفه

سلقت البطاط بس ما تخلونه وايد يلين.
الشمندر والبطاطا الحلوه ببخار الماء.
القرع يصير بالفرن او بخار الماء.
العيش تسلقونه ايضا بدون ملح .
اول شي تجهزون كل هذا بعدها الامور جدا سهله.

الكمية حسب اللي تبونها .
البطاط اربع خمس حبات ضفت معاهم كوب عيش مسلوق ويصير اكثر.
مع الشمندر ضفت ايضا شوي بطاط وعيش.
والقرع البطاط الحلوه خلطتهم مع بعض وضفت شوي عيش وبطاط بعد ما طحنتهم.
لا تنسون ملح فلفل اسود .
اللحم حمست بصل لحم مفروم وسط وبهارات مشكله فلفل اسود ملح نصف الخلطه ضفت عليها الزرشك.
لا تنسون كبة العيش الساده وايد لذيذه طلعت ومقرمشه واهي الوحيده اللي كثر ما تفلونها ما تتفچچ تظل متماسكة.

تشكلونهم حسب اللي تحبون اهم شي تخلون الهوا يطلع منها وانتو تسكرونها علشان بالقليل ما تتفچچ عليكم .

طبعا انا قليت شوي وبالقلايه الهوائيه شوي .
برايي بالقلايه الذ وايد.

النتيجة روعه اول مره اسوي بالشمندر والقرع والبطاطا الحلو شي ما توقعته وايد لذيذ. وحبك العيش الذ والذ.

اختارو اي صنف وطبقو وعليكم بالعافيه.

#وصفة_كبة_البطلط_نادية_كوك
#وصفة_كبة_شمندر_قرع_نادية_كوك
#وصفة_كبة_بطاط_عيش_نادية_كوك

5/5 - (3 أصوات)

نادية كوك | nadia_cooks

❤️طبخات نادية الكويتية🇰🇼 .. سنابي Nadia_cookss .. للاعلان والتغطيات ☎️51445140 .. الممثل القانوني عبدالله الحمادي @trust_lawyer
زر الذهاب إلى الأعلى