أحدث الوصفاتالحلويات

كاسات الكنافة الخنفشآرية

| كاسات الكنافة الخنفشآرية 🤩 |
ملاحظة / قبل ما تقرين الوصفة شوفي الصور كلها عشان تستوعبين الطريقه ✨

. :: أول شيء نصلح الكآراميل السهل واللذيذ
كوب حليب بودرة تحمسونه بحيث يصير لونه بني وسط و انتبهو يوصل لدرجة الحرق 👌🏻
+كوب سكر بودرة جاهز ضروري يكون جاهز لأنه ناعم جداً مافيه تكتلات + ملعقة صغيرة زبدة طريّة + نص ملعقة صغيرة ملح + نص كوب ماء ساخن نخلطهم كلهم مع بعض بالخلاط ..
و بعدين بالثلاجه لين يبرد .
:: نجيب كيلو كنافة طازجة ونفرمها بمحضرة الطعام فرم ناعم جداً وبعدين بتاوه وسيعه نضيف نص اصبع زبدة 50 جرام نذوبها على نار هادئة وبعدين نضيف الكنافة المفرومه مخلوط معها شوي سكر بودرة على حسب الذوق ونقلبهم لين تتحمص مضبوط نقسمها لجزئين جزء نخليه بدون اضافات والجزء الثاني : نخلط معه نص كوب من الكاراميل + كوب قشطة أي نوع نخلطهم مع بعض بعدين نضيفهم على الكنافة بالتدريج عشان مانبي الكنافه تكون مره رطبه ولا ناشفه أبيها تكون مفلفله ..
نجيب كاسات للتقديم نضيف كطبقة أولى من خليط الكنافة المخلوط معه القشطة والكاراميل ..
:: بعدين نضيف خلطة التشيز عباره عن :/
كوب جبنة فلاديفيا أو أي نوع جبن كريمي + كوب آيسكريم باسكن روبنز بالكاراميل مع الجوز أو أي نوع تحبونه + م ص فانيلا + كوب كريمة مخفوقة أو نخفق ظرفين دريم ويب مع كوب حليب بارد ونضيف معهم نص كوب كاراميل .. نخلطهم مع بعض لين يتجانسون ونضيف من الخلطة فوق الكنافة بعدين نضيف الطبقة الثالثه من الكنافة المحمصه بدون أي اضافات لأن حلو وأنتم تآكلون يدخل عليكم شيء ليّن على كرانشي تحسّون باندمآج رهيب 🤤
وآخر طبقة : خليط القشطه مع الكاراميل الباقي نضيف منه شيء بسيط نغطّي فيه الكنافة وبعدين نجمّل الوجه بالفستق الحلبي وندخله الثلاجه يبرد مضبوط حلاته بارد مع القهوه شيء لذيذ
و بألف عافيه مقدماً 💘

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى