أحدث الوصفاتالحلويات

قشطة الحلويات

قشطة الحلويات

القشطة المنزلية لمعظم انواع الحلويات العربية والرمضانية (حشوة قطايف، حلاوة الجبن ، زنود الست ….الخ)

قشطة الحلويات
للمقادير:
بنحتاج لترين ونص من الحليب الكامل الدسم مضاف الو نصف كوب من الخل (او عصير الليمون)
وبنستمر بتحريكهم ع الغاز حتى يفصل الحليب بنصفيه وبنحتفظ بالقريش
بطنجرة ثانية بنحط نصف لتر من الحليب مع نصف كوب نشا وبنحركهم حتى يذوب النشا
وبنحط عليهم ٣ معالق كبيرة سكر وبنستمر بالتحريك حتى يثقل القوام
بنضيف عليه القريش اللي صفيناه وبنحركهم حتى تختفي التكتلات
بنتركهم يبردوا وبندخلهم الثلاجة لمدة ساعتين
وع قلبكم بالف عافية.

ملاحظات : ١- تحفظ بالثلاجة لمدة ثلاث ايام ولازم نغطي الوجه حتى ما ينشف

٢-ممكن اضافة المنكهات من فانيلا او ماء زهر او ماء ورد على خليط البودينغ قبل اضافة القريش

٣- يمكن استخدام الحليب البودرة بشرط يكون كامل الدسم للثلاث لتر حنحتاج ٤ اكواب حليب بودرة وبنضيف الخل بس يقرب الحليب يغلي

٤- لو حبيتو تخلو قوامها طري حتحتاجو ترجعو ترجعو تخفقوها قبل الاستخدام

المصدر: @linaarar_kitchen

5/5 - (2 صوتين)
زر الذهاب إلى الأعلى