أحدث الوصفاتالحلويات

فينانسيه

| فينانسيه Financier |

قطع كيك صغيره مره تهبل تحسونها بين الكيك والبيتيفور من الوصفات الفرنسية ، الحلو فيها تقدرون تضيفون فيها أي نكهة تحبونها : زعفران ، هيل ، قرفه ، فانيلا .. الخ .

المقادير

  • 3 بياض بيض
  • نص كوب سكر أبيض ،
  • م ص فانيلا
  • 100 جرام = اصبع زبدة غير مملحه
  • كوب وربع لوز مطحون
  • ربع كوب طحين أبيض
  • ورشة ملح

إذا ماحصلتو بودرة اللوز تطحنون لوز مبشور بعدين بعد الطحن تاخذون كوب وربع وتضيفون عليه الطحين وتخلطونه بمحضرة الطعام لين يمتزجون مع بعض وبعدين تضيفون باقي المقادير وآخر شيء الزبده الذايبه .

بالنسبه للزبده تحطونها بقدر صغير ع النار لين تذوب وتتحمص ويطلع لونها بني وسط مو فاتح
ولا غامق وبعدين تصفّونها من الشوائب وتضيفونها آخر شيء ع المقادير وهي ساخنه عادي وتخلطونها لين تمتزج تمام ..

بعدين نجيب قوالب السيلكون المخصصه للفرن اللي على شكل مستطيل أو أي شكل مو مشكله ، ونحط الخليط بكيس التزيين عشان يسهل توزيعه ونعبي القوالب وندخلهم الثلاجه تقريباً ساعه قبل الفرن وبعدين ندخلهم فرن مسبق التسخين على درجة 350 فهرنهايت من 10 دقايق إلى 13 دقيقه تكون جهزت 😍 .

متحمسه مررره تجربونها وأسمع رآيكم فيها 👌🏻

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى