أحدث الوصفاتالساندوتشات والمعجنات

فطيرة اللحم التركية

فطيرة اللحم التركية

اجمل التجارب اللي بنسعى دايما لتقديمها بالطريقة الجميلة اللي بنرسمها قبل لنبدأ بتنفيذها ، تجربتي لفطيرة اللحم التركية اسعدتني النتيجة لانها طلعت اجمل من اللي رسمتها ❤️

بنذوب ١ م ك خميرة مع كوبين الا ربع حليب سائل دافئ (اكثر او اقل حسب نوع الطحين) وثلاث معالق كبيرة سكر وبنتركهم خمس دقائق لتتفاعل الخميرة.

بنعجن ٤ اكواب طحين ومعلقة كبيرة ملح بعدها بنضيف الحليب مع الخميرة وبنحركهم سوا واخر شي بنضيف ربع كوب زيت زيتون او نباتي لحتى تتشكل معنا عجينة طرية ، بنحط اسفلها رشة زيت وبنغطي العجين وبنتركها ساعة.

بعد ما يتضاعف حجمها بنقطع للعجين لثلاث قطع وبنفرد كل قطعة وبنحشي الاطراف بجبن الموزريلا وبنسكرها بنفس الطريقة الواضحة بالفيديو بامكانكم تحطو اول طبقة صلصة بيتزا وممكن تخلطوا اي صوصات بتحبوا نكهتها خلطت (صلصلة الباربكيو والكاتشب ) ثم جبن موزريلا ثم خليط اللحم ثم موزريلا.

بندهن الاطراف بخليط من صفار البيض والحليب المبخر والنسكافية وبنرش ع الاطراف سمسم وبندخله ع فرن محمى مسبقا حرارة ٢٠٠.

خليط اللحم
( باللحمة والدجاج) نفس المكونات ولكن نضع احداها عوضا عن الاخرى

لحمة او دجاج يشوح مع بصلة وسنين ثومةوبعدها بنضيف فلفل اخضر حلو وذرة والتوابل (ملح، بهارات لحم، فلفل اسود، ثوم بودرة) ومعلقة كبيرة رب البندورة وبالعافية

المصدر: @linaarar_kitchen

4.5/5 - (2 صوتين)
زر الذهاب إلى الأعلى