أحدث الوصفاتالساندوتشات والمعجنات

فطيرة الشاورما

___
عجبك الفيديو وحابه تنقليه لحسابك اتمنى تسوي منشن لحسابي بلون ازرق 👈🏻 @fno_algohr مو بالأسود ❌ تقديراً لتعبي 😔💔
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
——————–
فطيرة الشاورما 😻✨
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
المقادير :
صدور دجاج
ملعقتين خل
علبة زبادي ( روب )

٣ فصوص ثوم
ملعقتين كاتشب
شوية زيت زيتون
البهار ملعقه صغير من :
الكمون / بابريكا / زنجبيل
بهار مشكل / فلفل اسود
فلفل احمر / ملح
بصل شرايح
شوية بقدونس
٢ بطاطس
حبه طماطم
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الصوص :
علبة صغيره زبادي ( روب )
ملعقتين طحينيه
ملعقه صغيره ملح
فصتين ثوم
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
العجينه هنا :
#عجينة_فنو_الطريه
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه :
نغسل الدجاج ونقطعها شرايح ونتبلها بالخل والزبادي والكاتشب والبهارات وندخلها الثلاجه لمدة ٦ ساعات او اقل اذا مستعجلين بس اذا كان يوم كامل يكون احسن ، بعد مااخذت وقتها بالتتبيله نرصها بصينيه عليها قصدير ونحط فوقها شرايح بصل ورشة بقدونس وزيت زيتون وندخلها الفرن مع البطاطس واذا تحبو تقلو البطاطس براحتكم تقريباً الدجاج يقعد ساعه مع التقليب بين كل فتره او تولعو عليها من تحت الين ماتحمر وبعدين من فوق لمدة دقايق اللين ماتشوفوها حمرت ، راح تلاحظو بعد مايمر ربع ساعه من وقتها نزلت مويتها بالصينيه عادي خلوها لين تنشف وتستوي ، بعدين نقطع الدجاج تقطيع صغير وعشوائي ونخلط معاه طماطم والبطاطس وممكن تحطو مخلل او هيلابينو ، نفرد عجينتنا بعد ماتخمرت بصينية التارت او اي صينيه عندكم ونخرمها بالشوكه وندهن فوقها الصوص ونحط فوقها الشاورما والصوص الباقي بعدين نفرد النص الثاني من العجينه ونشكلها بالقطاعه يجي منها اشكال وسعرها بـ ٥ او ١٠ ريال متوفره بميني او هزاز إذا ماعندكم عادي شكلوها بالطريقه اللي تحبوها واخر شيء ندهنها بالبيض او حليب وندخلها الفرن اذا شفتو اطرافها حمرت طفو عليها وولعو من فوق الين ماتشقر نطلعها ونغطيها على طول عشان ماتقسى وتكون طريه ، جربوها مره لذيذه 😋👌🏻
#موالح_معجنات_فنو_الجوهر
#١٩_فطيرة_الشاورما

 

قيم هذه الوصفة

أفنان الجوهر - Afnan

"ماشاء الله تبارك الله" ربي اخترلي ماتراه خيراً لي ‏⠀ 📍استقبل طلباتكم ؛ جده | 0570352722 ‏⠀ قناتي على اليوتيوب : www.youtube.com/channel/UCm_YUu7Yg2TipyO30_TS8iA
زر الذهاب إلى الأعلى