أحدث الوصفاتالاطباق الرئيسية

صينية البطاطس المهروسة بالدجاج

صينية البطاطس المهروسة بالدجاج
لذيذة مرره

لا تلتزمون بالكميات انا صينيتي كانت كبيره وكل وحده وحجم صينيتها اهم شي المقادير نفسها

نبدا المقادير والطريقة مع بعض

– الطبقة الأولى:
اول شي نسلق ٥ حبات تقريباً بطاطس بعدها نهرسها بالخلاط مع علبة قشطة وشوي بهارات ايطالية وكمون وفلفل وعلبة صغيرة حليب لونا السائل حق الشاهي
لما تنهرس البطاطس وتكون ناعمه نفردها بالصينية البايركس
وبكذا تكون الطبقه الاولى جاهزة

– للطبقة الثانيه:
نشوح بصل مع شوي زبدة ع النار ونحط معاه فلفل رومي اصفر واخضر واحمر وجزر وكلها مقطعه شرائح رفيعه ونضيف لهم دجاج مسلوق مقطع شرائح رفيعه طولية
ونقلبهم مع البهارات والكمون وبعدها نحطهم على طبقة البطاطس
وتكون هذي الطبقة الثانيه جاهزة

– للطبقة الثالثة:
جبن سلايس المراعي افضل شي نصفهم بالصينيه

– الطبقة الرابعة اضافتي:
نصف شرائح توست مقطع الاطراف ع الجبن او ممكن نحمص التوست ونصفه على شرائح الجبن فوق كل شريحة جبن حبة توست براحتكم انا حطيته بدون تحميص

– الطبقة الخامسة:
خلطة الباشميل من كي دي دي اخذت نصف العلبه واضفت لها
ثلاث ملاعق جبن سائل وملعقتين مايونيز وشوي جبن موزريلا حق التمطط خلطتها وكانت ثقيله الصلصة وصبيتها على التوست
دخلت الصينية الفرن بس لحد ماتحمرت من فوق وطلعتها
مشاركه من
@ireemeee

5/5 - (1 صوت واحد)

مـــطبخ دلال الدايــــل

مطبخ دلال الدايل 🍒الطـــبخ بطرق سهله ومبتكره 🍒 🍒اسـتودعت الله نفسي ومااملك🍒 🍒للاعـــلان والرعايه0503200844 🍒لنا حق التمنّي ۈلِلہ سر الإجاابہ🍒
زر الذهاب إلى الأعلى