أحدث الوصفاتالاطباق البحرية

صياديه

صياديه 🐟
غداكم وعشاكم بكرا اكيد علي😍 ماراح تقاومون هالاغراء 🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
بدايةً نشتري السمك فرش ” سالمون او كنعد او هامور ” هـ المره استخدمت السالمون اطعم وألذ 👌🏻
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
نطلب منهم يقطعونها شرايح وينظفونها ثم احنا نغسلها بمويا بارده عشان ماتطلع الزفره ثم نتبلها بالتالي:
( كاس ماء🍶 + ١ م ك كركم + ١ م ك بهار مشكل + فصين ثوم + عصير ٢ ليمون + م ك ملح + م ص فلفل اسود + ٢ فلفل احمر مقطع صغا🌶 + ١ م ك خل )
نخليهم منقعوين كل ما طالت المده كل ما صار افضل ✨
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
ثم لـ طبخ الرز🍚 ناخذ القطع مثل الراس الذيل والقطع الصغيره لانو ابي القطع الزينه تكون ع الوجه
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
نغلفها بـ طحين ثم نقليهم بـ زيت القلي من مازولا✨ الى التحمير نخليهم على جنب
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
وبنفس زيت السمك عشان الطعم🤤 نقلي كميه راهيه من البصل ( ٥ حبات كبار ) نبيه يكون بصل محروق وهذا سر اللون البني للصياديه ، ثم نحط كل الكميه بالخلاط مع ٢ كوب ماء ونخليه على جنب
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
نبدأ نسوي الرز🍚:
في قدر كبير ناخذ كميه راهيه من نفس الزيت اللي قلينا فيه السمك والبصل + نضيف م ك سمن بطعم الزبده من مازولا – نحمس فيه ١ بصله كبيره ثم كميه كبيره من الكزبره
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
نضيف قطع السمك🐟 اللي سبق وقليناهم ونقلبهم مع الحمسه ثم نضيف التالي:
( ١ م ك ملح خشن + م ص فلفل اسود وبابريكا + ١ م ك بهار مشكل + ١ م ك كركم + فلفل اخضر + ورق غار + عود دارسين )
ثم نضيف البصل المحروق اللي سبق وخلطناه + ٢ كوب ماء حار ونخليهم يطبخون سوا ٥ دقايق
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
ثم نضيف الرز ” النوع ارز بسمتي مغسول ومنقوع بماء حار لمدة نصف ساعه ع الاقل”
نخليه ١٠ دقايق يطبخ على نار عاليه 🔥 ولا نغطيه ثم نغطيه ونخليه ١٥ دقيقه على نار هاديه آخر شيء ع الوجه سمن بطعم الزبده من مازولا🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
وقبل مايخلص الرز بشوي نقلي قطع السمك الزينه الباقيه اللي كنا نبيها ع الوجه بـ زيت قلي مازولا لقرمشه اكثر والذ🤤
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀
وقضينااااا بالعافيه عليكم يارب نزينه اخر شيء بالكزبره ، لازم تجربونها وتعطوني رايكم❤️
‏⠀⠀⠀⠀⠀⠀⠀⠀⠀⠀⠀⠀⠀⠀⠀

5/5 - (1 صوت واحد)

هند أبوحيمد | Hend Abuhaimed

اصور لكم وصفاتي بـ حب ❤️ لإعلاناتكم📥 0550953031 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀ اذكروا والدي حبيبي بـ دعوه 💌 اللهم اجعل قبر عبدالله ابوحيمد روضه من رياض الجنه
زر الذهاب إلى الأعلى