أحدث الوصفاتالحلويات

سينابون فطيرة التفآح

سينابون فطيرة التفآح فكرتها من الجميله نهوله @_nahoola_ 💋

العجينه مره سهله و مضبوطه ميه بالميه 😍👌🏻 أول شيء

نصلح الحشوه بعدين العجينه :
بقدر ع النار / تفاحتين حمرا مقشره ومبشوره + شوي عصير ليمون + ملعقتين كبيره سكر بنّي + ملعقه كبيره قرفه مطحونه ونقلبهم لين تنشف موية التفاح .

وأنا حبيت أضيف شوي من جوز البيكان مفروم خشن
+ شوي من الكاراميل اللي قوامه ثقيل .

والعجينه عباره عن :

  • 8 حبات جبن كيري بحرارة المطبخ = 144 جرام .
  • اصبع ونص زبدة بحرارة المطبخ = 150 جرام .
  • كوبين طحين = 280 جرام .
  • رشة ملح .

أعجنيهم بيدّك أو بمحضرة الطعام أسرع تلتم بسرعه على بعض خليها ترتاح شوي وبعدين افرديها كامله بشكل مستطيل بعدين رشّيها قرفه مطحونه وبعدين لفيها رول نفس السينابون بالضبط 👌🏻
بعدين ممكن تسوينها بالملعقه نفس اللي بالصور أو أسهل شيء بيدك تاخذين قطعه وتضغطين بالنص وتفردينها شوي ويصير النص مجوف شوي عشان تحطين الحشوه وإذا حطيتي الحشوه تقفلين عليها مضبوط وترتبينها بحيث تصير لك مكوره والصور توضح أكثر .

وبعدين نصفها بصينيه على ورق زبده وندخلها لفرن مسبق التسخين على درجة 350 تاخذ لها ممكن ربع ساعه شغلي من تحت واذا شفتيها تماسكت من برا وتحمرت خفيف من تحت شغلي اللي فوق وخليها تتشقر خفيف بس لا تخلينها تطول كثير تقسى .

و عند التقديم رشّي عليها سكر بودره وبألف عافيه ♥️

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى