أحدث الوصفاتالاطباق الرئيسية

زيت جوز الهند

زيت جوز الهند

السلام عليكم ورحمة الله وبركاته متابعيني الغاليين ❤️❤️
مثل ما طلبتو وعدتكم اني انزلكم طريقة عمل زيت جوز الهند للشعر للبشره للطبخ
جدا روعة .
اول شي هذا المشلى النارجيل العماني ضروري تقرون عن فوايده القيمة ويعتبر علاج خاصة لللي فيهم الكلى.
وللرياضيين يعوضهم عن كل ما فقدوه بالرياضة .
انصح الكل باستخدامه وشربه يوميا وايضا لذيذ جد يسرسح ويبرد عالقلب ان شاء دوم قلوبكم بخير وعافيه .
طريقة الفتح طبعا مو انا هذي جريس ما شاء الله عليها بعالطريقة تالي شوفو اللي طلع منه ما شاء الله واشربونه واللي بالداخل يكون مثل الزبدة اذا تحبون تاكلونه .

حرز الهند الثاني طريقة عمل الزيت منه .
طبعا تكسرونه مثل الفيديو والماي اللي فيه قليل جدا وشربوه مفيد ايضا .
تالي تقطعون جوز الهند عقب بالمكينه او تبشرونه ناعم عادي😍 مع شوي ماي
تالي بايدكم تضغطون عليه لين تنشفونه
تصفونه بالمشخال
وعالچوله يطبخ لين تشوفون هذا الابيض صار شفاف وتبخر وتكون الزيت .
تالي تصفونه هذا اللي تشوفونه البني لا تقطونه يسير تاكلونه ويصير سنفره خفيفة للبشرة واليد .
طبعا هذيلي حبتين حوز الهند شوفو كمية الزيت قليلة جدا .
واستخدموا مفيد لتساقط الشعر لان شغلكم مافيه اي مواد حافظه .
للبشرة .
وسبحان الله لما سويته وبرد ما جمد نفس اللي نشتريهم هذا دليل ان اصلي مافيه اي مواد .
سوو هالشي الجميل المفيد .
وشكرا على تواصلكم ولا تنسون لايكاتكم وكلامكم الطيب ❤️❤️❤️
شفتو شلون مدلعتكم فأنار ايضا لا تنسوني من تواصلكم 🌹
يا جماعة كاتبه كل وكل شي واضح وبالتفصيل .
الماي ماله تشربونه من غير طبخ
والزيت بروحه يطلع من جوز الهند نفسه .
لا اسمح ولا احلل اي احد ياخذ الفيديو بدون استئذان .

طبعا اليوم رجعتي لديرتي الكويت الحبيبة 🇰🇼🇰🇼🇰🇼 بإذن الله تعالى
ونوصل بالسلامة يارب ❤️

قيم هذه الوصفة

نادية كوك | nadia_cooks

❤️طبخات نادية الكويتية🇰🇼 .. سنابي Nadia_cookss .. للاعلان والتغطيات ☎️51445140 .. الممثل القانوني عبدالله الحمادي @trust_lawyer
زر الذهاب إلى الأعلى