أحدث الوصفاتالاطباق الرئيسية

ريزوتو

..

ابغاكم كلكم تجربو الريزوتو صدقوني راح يعجبكم اكثر من الي ناكله برا و راح تدمنوها 🤭🤩♥️♥️♥️.. *اول شي نحتاج الرز الخاص بالريزوتو اسمه اربوريو او ARBORIO تلاقوه طبعا في السوبر ماركت .. ما ينفع تستخدمو اَي نوع رز لان الرز هذا الي يميزه إنّو حبته صغيره مرره و فيه كميه نشاء اكثر تساعد انه يتكرمل معاكم ولا تغسلونه عشان ما تفقدو النشاء الي فيه👌🏻
* ضروري إنكم تجهزو مرقه دجاج تقريبا من 3-4 أكواب .. *نبدا في الوصفه :
في قدر ع النار نصب زيت الزيتون و نشوح البصل “استخدمت حبه كامله مقطعه صغار” الين يذبل شويا بعدين نظيف الفطر المقطع ضروري يكون فريش عشان يعطي نكهه ألذ ، و نحركه الين يذبل بعدين نضيف فصين ثوم .،
-نضيف كوب رز و غصن أكليل الجبل و قطعه زبده و نحرك شوي ..
* بالتدريج نصب مرقه الدجاج و على دفعات كلما تحسو إنّو المويه بدأت تنقص تزيدو شوي الين تصير حبه الرز لينه و مستويه ..
* انتبهو انتبهو تصبو كل المرقه دفعه وحده ولا بيصير سليق و يعجن معاكم😂🤭..
لكل كوب رز 3-4 أكواب من مرقه الدجاج..
اول ما يستوي الرز نضيف الكريمه و جبن بارميزان و كزبره .. و البهارات ( فلفل اسود و زعتر بري او اوريجانو )..
*كيف تتاكدو إنّو قوام الريزيتو مضبوط !! اذا حركتو الملعقة عليه بالطول من فوق لتحت تلاقو الرز يرجع لبعض بشويش معرف كيف اشرح لكم لكن سويتها لكم بالفيديو اخر شي😻😂♥️♥️♥️..
و بسس والله ادري كثر عليكم الحكي بس ذي النقاط المهمة ضروري تمشو عليها عشان يصير عندكم ريزوتو أطلق من المطاعم🤤🤭♥️♥️♥️
وبالعافية ..
منشنو محبين الريزوتو و الي ودكم انهم يسوونها لكم 🤩♥️♥️..

 


قيم هذه الوصفة
زر الذهاب إلى الأعلى