أحدث الوصفاتالاطباق الشعبية

رز بخاري أصلي

🔥🔥😻 رز بخاري أصلي
بدون مبالغه ألذ رز ممكن تذوقوه واللي يستغرب من الزيت الكثير ترا البخاري يحب الزيت عشان توصلوا للطعم المطلوب واللذيذ 👍🏻💯
⠀⠀
المقادير :
كميه من الزيت
جزر مقطع لشرايح رفيعه
بصل / دجاج
ملعقه كبيره صلصه معجونه
٣ حبات طماطم معصوره
ملعقه كبيره ملح
ملعقه كبيره كمون
رز + حمص مسلوق
⠀⠀
الطريقه :
بقدر نحط زيت ونكون كريمين شويه بالزيت ونقلي فيه الجزر وبس يذبل نطلعه بعدين نحمر البصل واول مايبدأ يأخذ لون نحط الدجاج ونحمره من الجهتين الين مايصير لونه بني حلوووو ، نضيف الطماطم اللي عصرناه ويفضل انو نزيل قشر الطماطم ونخلطه وبعدين ملعقه او ملعقتين صلصه معجونه على حسب درجة اللون اللي تحبوا توصلوله ونضيف الملح والكمون ونترك الطماطم تتسبك شويه وبعدها نضيف المويه الين مايغطي سطح الدجاج وتكون مغليه وعلى نار عاليه لمدة ٤٥ دقيقه او الين ماتستوي وكميه المويه ممكن تزيد اذا قلة او نشفت بعدين نطلع الدجاج بصينيه وبالفرن نشويه على النار اللي من فوق ، ونرجع نذوق المرق اذا احتاج ملح نحط ونضيف المويه المغليه والرز المغسول ونكون ناقعينه قبل بربع ساعه ونتركه يغلي على نار عاليه وبس تبدأ المويه تقل نحط فوقه الجزر والحمص والدجاج اللي شويناه ونهدي على النار ونتركه يطبخ الي مايستوي الرز
⠀⠀
⚠️ ملاحظة :
كثير منكم مايعرف يوزن كمية المويه في الرز هذي الطريقه ممتازه اول شيء نغطي سطح الرز بالمويه بحيث تقدروا تشوفوا الرز من فوق والمقدار ١ سم تقريباً يعني شيء بسيط بعدين نجيب ملعقه ونحطها بالنص اذا ثبتت معناته كميه المويه مناسبه ومزبوطه واذا طاحت يعني المويه اكثر من اللازم فنقلل منه الين ماتثبت الملعقه 👍🏻

 

قيم هذه الوصفة

أفنان الجوهر - Afnan

"ماشاء الله تبارك الله" ربي اخترلي ماتراه خيراً لي ‏⠀ 📍استقبل طلباتكم ؛ جده | 0570352722 ‏⠀ قناتي على اليوتيوب : www.youtube.com/channel/UCm_YUu7Yg2TipyO30_TS8iA
زر الذهاب إلى الأعلى