أحدث الوصفاتالحلويات

حلوى بحرينيه

صبحكم الله بالخير جميعا وكل الشكر لكم يالمتابعين على هالكلام الطيب والكومنتات الجميله الي تثلج الصدر
دخل البرد علينا أمس بقوه وحبيت اطبخ وأسوي حلوى بحرينيه انزلت على قناتي باليوتيوب المكونات زعفران وهيل وماي ورد وسمن ومكسرات بدون صبق على طريقة الشيف أمينه من البحرين وطبختها بجدر نحاس هندي ثقيل جدا هديه من بوحمد الهلال جزاه الله خير المكونات
اربع اكواب ماء عادي فاتر
نص كوب نشا نخلطه مع الماي
اربع اكواب سكر عادي
كوب سمن عرب عداني دافي
كوب زعفران منقع بماي الورد
هيل ثلاث ملاعق كبيره
مكسرات بيضاء كازو لوز فستق بيذان
انزل السكر ونكرمله عدل وننزل عليه كوب السمن ينحمس معاه وبعدين ننزل الماي مع النشا ونحرك لين يذوب السكر ويتجانس وبعدين ننزل الزعفران مع ماي الورد ونحرك وبعدين الهيل ونحرك كل المده ساعتين ونص من البدايه لي النهايه واخر شي نزل المكسرات ونحرك بالمضرابه الخشب الخاصه بالحلوى علشان ماتلتصق الحلوى وتحترق واخرشي نصبها بماعون الحلوى ونتركها تبرد وبالعافيه عليكم 👍 اذا عجبكم الفديو لاتنسوني بالليكات والكومنتات الجميله وسهمكم العافيه شكرا شيف امينه على هذي الوصفه وانا توني واصل البحرين ويامرحبا بأهل البحرين @chef.amina

 

قيم هذه الوصفة

Osama Alqassar - اسامه القصار

Osamah Alqassar - اسامه القصار هاوي للطبخ والرحلات للإعلان على الستوري التواصل مع ادارة التسويق واتس اب 👇 +96599807014
زر الذهاب إلى الأعلى