أحدث الوصفاتالحلويات

حلاوة الجبن بالطريقه اللبنانيه

حلاوة الجبن 👌🏻 بالطريقه اللبنانيه
من ايدين ام عبود من طرابلس لبنان
كتير بتعمل حلو طيب😋 ما في اشطر منكن بالحلويات العربيه
اذا بتحبو طبقوها بالبيت

القشطه حضروها ضروري قبل بيوم لتبرد منيح وبتكون جامده
ممنوع 🚫 تكون طريه رخوه

طريقة القشطه:

👈🏻#القشطه_المنزليه_للحلويات_فاطمه_كتشن

.#القشطه_المنزليه_للحلويات_فاطمه_كتشن

اول خطوه قطعو الجبن ( عكاوي تشيكي ) و نقعو الجنبه
بالماء ليله كامله غيرو الماء ٥ مرات
🚫 ممنوع يكون فيها ملح ابدا ابدا
بس تذوقو الجبن صار حلو يعني بدون ملح
صفو الجبن منيح

المقادير

  • نصف كيلو عكاوي تشيكي
  • ثلاث ارباع كوب سميده ناعمه
  • ربع كوب ماء سخن
  • ٣ معالق طعام شيره قطر سخن

طريقة التحضير

اول شي بطنجره حطو الجبن الماء بس يذوب الجبن
ضيفو شوية شيره قطر و ضلكن حركو ليسير يمغط
الخطوه التانيه ضيفو سميده ناعمه
وحركو كتير منيح لتمتص الجنبه كل السميده

بعدين هي وسخنه على صينيه
ضيفو ربع كوب شيره سخنه قطر و ملعقة طعام ماء زهر
ملعقة طعام ماء ورد
و حطو عجينة الجبن
متل الفيديو واضحه الطريقه قلبوها ٣ مرات
لتتماسك منيح ولازم تضل سخنه

جيبو صينيه اقلوبوها حطو شوية قطر شيره سخنين مدو العجينه حطو القشطه لفوها و قطعوها وزينو بزهر الليمون و الفستق

والقطر الشيره حسب الرغبه عند التقديم 🌹 وصحتين

4/5 - (1 صوت واحد)

fatmee kitchen 🇱🇧🇰🇼

FATMEE_KITCHEN ‏From Lebanon 🇱🇧 Living in Kuwait 🇰🇼
زر الذهاب إلى الأعلى