أحدث الوصفاتالاطباق الشعبية

جريش أحمر بقدر الضغط

| جريش أحمر بقدر الضغط يحبّه قلبكم 😍👌🏻|

أول شيء نشبك القدر بالكهرب بعدين نضغط على خيار ( اللحم ) راح يسخن نضيف البصل المفروم ونحمسه مع شوي زيت لين يذبل بعدين نضيف عليه قطيعات لحم بدون عظم ونشوّحها مع البصل ونضيف البهارات المشكّله + البيضاء بديل الماجي ، بعدين نضيف معجون الطماطم بالنص نحمسه شوي عشان يطلع أطعم ثم نضيف الطماطم المعلّب مع عصيره ونخليه يتسبّك مع اللحم وبعدين نضيف ماء مغلي لكل كوب جريش كوبين ماء ..
( حطيت 3 اكواب جريش + نص كوب رز وغسلتهم مع بعض بعدين صفّيتهم من الماء ) ،
بعدين نقفل الغطاء ونزيد الوقت نضغط على علامة + لين يوصل 30 دقيقة .. لمن تخلّص 30 دقيقه نفتح الغطاء ونحرّكه ونشوف إذا يحتاج زيادة ماء أو لا بعدين نضيف حبات فلفل كامله ونقفل الغطاء مره ثانيه و نضبط المدة على 30 دقيقة يعني المجموع يكون : ساعة بالضبط كافيه ووافيه 👌🏻

* الكشنة عباره عن :
بصل مقطّع قطع صغيره ..
نحط بالتاوه زبدة مع شوي زيت ونحمس البصل وإذا يذبل نضيف ملعقة مسمّنه وفلفل أسود + م ك معجون طماطم ونحرّكهم لين يتجانسون مع البصل ونطّفي عليهم النار ونضيفهم فوق الجريش عند التقديم ..

و عساه بألف عافيه على قليباتكم ♥️

#قدر_الضغط_اديسون_عبير_العميره

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى