أحدث الوصفاتالحلويات

تشيز كيك البلوبيري

تشيز كيك البلوبيري

تشيز كيك فخم بكل ما تعنيه الكلمة 💙❤️

‎لتحضير صوص البلوبيري:
‎ ١٢٥ غرام بلوبيري طازج (تقريبا كوب وشوي) بنحطهم
بنضيف عليهم ربع كوب سكر ناعم الحبيبات ومعلقتين طعام عصير ليمون وبنحطو بالميكرويف لمدة دقيقتين وبنتركو يبرد.
‎لطبقة البسكوت بنحتاج:
‎ ١٥٠غ بسكوت دايجيستف مطحون ‎
نصف كوب جوز هند اختياري
‎ثلث كوب زبدة مذوبة
‎بنخلطهم وبنرصهم بصينية فرن صغيرة وبندخلهم الفريزر نصف ساعة لنحضر الطبقة الثانية.

‎الطبقة الثانية :
‎بوعاء بنخفق:
‎450 جبنة كريمي (بحرارة الغرفة) بخفق الجبنة بدون مبالغة بالخفق
‎بضيف عليهم كوب وربع سَوَر كريم
هون استخدمت بديل السور كريم مقدار ثابت من اللبن الزبادي والقشطة بعد ما نشيل الماي اللي بالعلب
‎نصف كوب سكر ناعم الحبيبات
‎ومعلقة طعام فانيلا
‎وثلاث معالق طعام طحين ‎
عصير ليمون معلقة ونصف
‎بنخلطهم بعدها بنخفق ثلاث بيضات (بحرارة الغرفة) وبنضيفهم ع خليط الجبنة وبنحركهم بالسباتيولا.
‎بنحط الخليط فوق طبقة البسكوت وبنوزع صوص البلوبيري ع الوجه وبندخلوا بواسطة عود خشبي بخليط الجبنة وبندخلوا الفرن حرارة ١٤٠ بالرف السفلي وبدون مروحة لافران الكهربا من الاسفل فقط اخذت معي 55 دقيقة بنتركها بالفرن ساعة بعد ما نطفيه ونفتح باب الفرن وبالثلاجة 8 ساعات ويزين حسب الرغبة وع قلبكم بالف عافية.

قيم هذه الوصفة
زر الذهاب إلى الأعلى