أحدث الوصفاتالحلويات

ترايفل المانجو

( ترايفل المانجو )

المقادير

  • كيك فانيلا جاهز مقطع مكعبات
  • عصير مانجو ( يفضل النوع اللي يجي ثقيل)
  • قطع مانجو طازجة + فراولة حسب الرغبه
  • مكونات الكريمة ( 10 حبات جبن مربعات + علبة قشطة + ظرفين دريم ويب + ربع علبة حليب محلى + كوبين كريمة خفق )
  • مكونات الطبقة الأخيرة ( ملعقتين نشا + كوبين عصير مانجو)
ملاحظة : ( كمية الكريمة البيضاء مضاعفة ممكن تحطون نص مقاديرها بس حسب حجم صحنكم )

طريقة التحضير

نخفق مكونات الكريمة في الخلاط ثم نحط اول طبقة الكيك ثم نصب عليه شوي عصير مانجو ثم طبقة كريمة ثم قطع مانجو طازجة وشرايح فراولة ثم نرجع نحط طبقة كيك ثانية ونصب فوقها عصير ثم طبقة كريمة ثانية وندخله الثلاجة يجمد سوي على ما نسوي التغطية في قدر نضيف النشا وعصير المانجو ونحركهم وهم باردين ثم نحطهم ع النار و نحركهم لما يثقلون ويغلون غلوه وحده ثم نرفعه عن النار ونتركه يدفى شوي ثم نصبة فوق الكريمة لا تحطونه وهو حار عشان ما يخرب الكريمة ❌ بعد كذا ندخله الثلاجة من ٤-٦ ساعات ولو تسوونه بالليل وتخلونه بالثلاجه ليلة كامله احلى واحلى بعد لان كل ما طول كل ما يجمد ويصير ايس كريييم واستمتعوا بالعافية 😋🤍🤍

5/5 - (2 صوتين)

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى