أحدث الوصفاتالاطباق الرئيسية

تبسي تاوه لحم العجل بالفرن

يامرحبا بالمتابعين حياكم الله جزاكم الله خير على كل كومنت وتعليق انكتب وجزاكم الله خير على كل دعاء جميل دعيتولي اياه ماقصرتو شوفو هذي الطبخه مستوحاه من المطبخ التركي بأبداع كويتي تفاصيلها بالستوري فوق اسمها تبسي تاوه لحم العجل بالفرن شريت كيلوين ونص لحم عجل وقطعت معاه بصل كبار وقطعت طماط ارباع كميه وفيره وقشرت فصوص ثوم وزيت طبخ ولبهارات من تركيا بهار عثماني وبهار سلطاني موجودين بالاستوري تقدرون تتواصلون معاهم برقمهم فوق الطريقة حمست البصل مع زيت الطبخ بطرقيتي ونزلت عليه الطماط وخلطته مع البصل وبعدين اللحم المقطع وحمسته ورشيته بالبهارات وحمسته لين اخذ لون وسويتله صلصه جميله من السمن والثوم المفروم والليمون ومعجون الطماط والفلفل التركي والزعتر التركي الاوريجانو والماي والملح نحمسهم ونزلت الصلصه على خلطة اللحم وصفيت انصاف البطاط وصفيت الفلفل الاحمر على وجه التبسي ودخلتها الفرن ساعه وربع وقدمتها لضيوفي اعجبتهم واعجبت الضيف التركي والضيف الكويتي والحمد لله رب العالمين لاتنسوني بالايكات والكومنتات جزاكم الله خير 🌹🌹🌹

 

قيم هذه الوصفة

Osama Alqassar - اسامه القصار

Osamah Alqassar - اسامه القصار هاوي للطبخ والرحلات للإعلان على الستوري التواصل مع ادارة التسويق واتس اب 👇 +96599807014
زر الذهاب إلى الأعلى