أحدث الوصفاتالحلويات

بيتيفور العيد

✨😻 بيتيفور العيد
انصحكم تجربوه لذيذ وهش ويذوب بالفم ونفس المحلات ، مره مبسوطه لاني وصلت للنتيجه اللي كنت اتمناها من زمان 😭💕💕
‏⠀⠀⠀⠀⠀
المقادير :
٢٠٠ غرام زبدة بدرجة حرارة الغرفه
نص كوب سكر بودره ( مطحون ومنخول )
٢ صفار بيض بدرجة حرارة الغرفه
ملعقه صغير فانيليا سايله ( او بودره )
٢ كوب دقيق دقيق
رشة ملح
٢ ملعقه كبيره كاكاو بودره ( مُر )
ملعقه كبيره زبده

_

للزينه :
شوكولاته خام
مربى مشمش
فارمسيل ملون
فارمسيل شوكولاته
فستق ‏
‏⠀⠀⠀⠀⠀⠀⠀⠀⠀⠀⠀⠀⠀⠀⠀⠀ ‏⠀⠀
✨اهم النصايح لنجاح البيتيفور :
١- الزبده والبيض بدرجة حرارة الغرفه يعني نطلعهم قبل الشغل بساعه او ساعتين .

٢ – السكر يكون مطحون ومنخول .

٣ – اول شيء نخلط الزبده والسكر لمدة دقيقه الين مايصير لونه فاتح .

٤ – لما نحط صفار البيض والفانيليا نخلط لمدة ٥ دقايق الين مايصير الخليط كريمي .
٥ – سبب هشاشة وذوبان البسكوت بالفم هو صفار البيض من دون البياض لكن اذا تحبوا فيه قرمشه ضيفوا ٢صفار بيض وبياض بيضه واذا تحبوه مره قاسي ضيفوا كل البيضتين من دون فصلهم .

٦ – لما نضيف الدقيق والملح نخلطهم بالملعقه الين مايختفي الدقيق نوقف ولاتكثروا خلط عشان ماينشف البسكوت .

٧ – اذا تحبوا البسكوت شوكولاته وفانيليا نقسم الخليط ونضيف الكاكاو وضروري نضيف ملعقه زبده لانو الكاكاو دقيق واذا خلطناهم مع بعض العجينه تكون ناشفه .

٨ – اذا عندكم اله البيتيفور كويس واذا ماعندكم استخدموا راس القمع وكيس حلواني او اي كيس عادي دخلوا فيه القمع واقطعوا طرفه .
٩ – اهم شيء لاتعبوا الكيس للاخر لانو يصعب عليكم تشكيل البسكوت حطوا شويه شويه والباقي غطوه كويس عشان مايدخل فيه هواء .

١٠ – ينفع تشكلوها بنفس الصينيه من دون ورق زبده .

١١ – الفرن يكون شغال من اول ماتطلعوا العجينه من الثلاجه على ١٨٠ درجه من تحت عشان لما تخلصوا من التشكيل يكون الفرن سخن .

١٢ – مجرد اطراف البسكوت ياخذ لون ذهبي فاتح نطلعه من الفرن ونتركه من غير ماتلمسوه لانه طري وراح يتكسر او يتفتت .

١٣ – اذا انتهينا نبدأ بالتزيين وبالنسبه للحشوه ممكن مربى مشمش او فراوله بس الافضل مشمش او ممكن تحشوه وتغطسوه بنوتيلا او شوكولاته خام وعشان يعطي البيتيفور شكل جميل ضيفوا معاه اي نوع مكسرات او فارمسيل ملون وشوكولاته .
#بيتيفور_فنو_الجوهر
#حلويات_فنو_الجوهر
⠀⠀
-200 grams butter
– 1/2 cup powder sugar
-2 egg yolks
-1 tea vanilla
-2cups flour
‏pinch salt-
-2 tbsp cocao powder
– 1 tbsp butter
⠀⠀
‏For garnish:
‏-plain chocolate
‏-apricot jam
‏-colored sprinkles
‏-chocolate sprinkles
pistachio-

 

قيم هذه الوصفة

أفنان الجوهر - Afnan

"ماشاء الله تبارك الله" ربي اخترلي ماتراه خيراً لي ‏⠀ 📍استقبل طلباتكم ؛ جده | 0570352722 ‏⠀ قناتي على اليوتيوب : www.youtube.com/channel/UCm_YUu7Yg2TipyO30_TS8iA
زر الذهاب إلى الأعلى