أحدث الوصفاتالحلويات

بسبوسة عالطريقة المصرية

بسبوسة عالطريقة المصرية

مساؤكم أحلى بسبوسة عالطريقة
المصرية 🇪🇬 ❤️
كل الحب لكم متابعيني مصر والجميع . ..

استخدمت الاكواب المعيارية ويصير كوب عادي .

المقادير

  • سميد ثلاث أكواب ناعم او خشن انا بصراحة استخدمت الخشن احلى .👌😍
  • ملعقتين جوز الهند ويصير من ما تحطون .
  • سكر كوب الا ربع او نصف كوب انا حطيت نص كوب .
  • سمنة كوب الا ربع .
  • حليب سائل كوب الا ربع .
  • ثلاث ملاعق عسل .
  • بيكن بودر ربع ملعقة شاي او ماله داعي.

السمنه تذوب عالنار وفوقها الحليب لما يصير دافي نحط السكر ونذوبه مع الحليب والسمنة ومع ثلاث ملاعق العسل .

بعدها نصب الخليط عالسميد ونخلطهم بالمعلقة وندعم الصينية بسمنة .
ونصب الخليط وانطقطق الصينية عالطاوله علشان الهواء يطلع .
وانخليها ترتاح شوي وتالي بالفرن على درجة حراره ٢٠٠ يكون حار من قبل .
نص ساعه او ٢٥ دقيقه تالي حمروها من فوق .
وعلى طول صبو عليها الشيره وبالعافيه مع القيمر او الآيس كريم روعة .
طريقة عمل الشيره كأس ونص سكر وكاس ونص ماي وعصرة ليمون وعالنار بس يغلي يذوب السكر كافي لا تخلونها ثقيله.
جربوها وايد لذيذة حمشتها بالأطراف .
انا احبها تكون بهالطريقه مو وايد لينة . نص ونص .
اذا تبونها ترفه اكثر الفون عشرين دقيقه كافي ودرجة الحرارة عاليه .
جربوها لذيذه 😍😍😍

اللي قاعدين يطنزون يقولون شيره وشيرة أولا جربوها تالي عيبو اصلا ما فيها شيره وايد وهذي اصول البسبوسه المصريه الصح
حسسوني البعض من اللي يقولون شيره 😂😂 انهم كلش ابد ولا غلطة باكلهم. وشكرا لكم .

قيم هذه الوصفة

نادية كوك | nadia_cooks

❤️طبخات نادية الكويتية🇰🇼 .. سنابي Nadia_cookss .. للاعلان والتغطيات ☎️51445140 .. الممثل القانوني عبدالله الحمادي @trust_lawyer
زر الذهاب إلى الأعلى