أحدث الوصفاتالاطباق الرئيسية

بخاري خليجي

بخاري خليجي

يازينا بس فديتني والله مانخلي حد بحاله حتى البخاري خليناه بالنكهة الخليجية الحلوة
الوصفة تنفع بالدجاج او اللحم وبقدر صغط او بدون بس اسرع لي قدر الضغط
فس القدر حطيت زيت وبصل لين يصير ذهبي كل ماحمستوا افضل وحطيت بقشة بهارات او بهارات صحيحة الي تحبون ولومي اسود او مجفف ونحمس ونضيف نص كمية الجزر انا مقطعة ٣ جزرات
واضيف الدجاج المقطع اثمان ومنزوع الجلد واقلبه لين يتغير لونه وممكن يتحمش شوي بعد ثم اضيف طماطم معصورة حطيت حبتين ونص علبة معجون طماطم وبهاراتي ( ملح وفلفل اسود وكمون وكركم وهيل وبهار مشكل وبديل الماجي التركي) وشموا الريحة ايبااااه
واخليه يتسبك مضبوط واضيف الماء وزنيتي كانت ٣ اكواب ماء وشوي
اضيف كزبرة خضراء واضغطه ١٢د او لين يستوي الدجاج
اطلع الدجاج واحط عليه زين واذر عليه هيل وفلفل اسود وملح واحمره بالفرن
على المرق حق الدجاج احط باقي الجزر ( الي يحب يضيف حمص بليله وزبيب) والفلفل الحبحر ورز كوبين ونص حطيت مزة مغسول ومنقوع واضغطه ١٥د مو لازم قدر ضغط بس اسرع لي
وخلاص لذيذ بشكل مجنون قدمته مع الدقوس موجود بوصفة المندي ومع معبوج البامية ياسلاااام شي رهيب
طبعا هذي مختلفة عن وصفة البخاري الاصلية خذنا وصفتهم وحطينا لمساتنا وطلعت نتيجة عجيبة قريبا بعيدها باللحم قد ماهي لذيذة

قيم هذه الوصفة

الشيف حصة Chef Hessa

Founder of @tawlifat_hessa Author of tawlifa cookbook 😍 شيف ومدرب معتمد 👩🏻‍🍳 للاعلان ٠٥٥٧٧٩٩٠٤٩
زر الذهاب إلى الأعلى