أحدث الوصفاتالاطباق الرئيسية

المسخن الفلسطيني العريق ع الاصول

المسخن الفلسطيني العريق ع الاصول

المسخن الفلسطيني العريق ع الاصول 👌❤️ اغلب الاطباق الفلسطينية بتعتمد بجوهرها على زيت الزيتون وهالطبق الفخم من هالاطباق اللي بتعتمد على زيت الزيتون ❤️

لسلق الدجاج بنحتاج تنظيف الدجاج جيدا وبعدها بنقلي التوابل الصحيحة (عود قرفة، ورق غار، قرنفل، هيل) مع البصل بزيت الزيتون وبنضيف الدجاج وبنسلقه حتى تمام النضج

لخليط البصل
بنضيف كمية من زيت الزيتون بعدها بنضيف البصل المفروم مع رشة ملح حتى يساعد على تذبيل البصل وبس يذبل بنضيف السماق والفلفل الاسود حسب الرغبة

خلطة دهن الدجاج
بعد ما ينسلق الدجاج بنحضر خلطة دهن الدجاج (زيت زيتون، عصير ليمون، سماق، فلفل اسود، القليل من خليط البصل )

بندهن الدجاج وبندخله الفرن للتحمير

بنوخذ كمية من خليط البصل وبنترك جزء بسيط بنزود عليهم زيت زيتون ومرق دجاج بعد تصفيتها بنشرّب كل رغيف من خبز الطابون بهالمرق وبنحطو ع صينية فرن وبنحط كمية من البصل مع المكسرات وبنكرر نفس الخطوات حتى تنتهي كمية الخبر بنحط الدجاج ع الوجه وبندخلهم الفرن تتحمر الاطراف وبالعافية.

ملاحظة : ببعض مناطق فلسطين بتم تحمير كل رغيف لوحده 🌸

المصدر

زر الذهاب إلى الأعلى