أحدث الوصفاتالحلويات

الكولاتشي التشيكية

الكولاتشي التشيكية

هالوصفة كان بخاطري أجربها من زمان وشفت كثير سووها هالفتره لكذا تحمست اكثر وبصراحه طلعت رهيييييبه كأنكم تأكلون مارشملو بالايس كريم من الطراوة واللذاذة تجننننن ولا كريمة التشيز شي ياخذ العقل وتنفع مره للفطووور لاااازم تجربونها😩😩😩👌🏻

المقادير

المقادير الجافة:

  • ٤ اكواب دقيق
  • نص كوب سكر بودرة
  • ملعقة كبيرة خميرة
  • ملعقة صغيرة بيكنج بودر
  • ملعقة صغيرة ملح
  • رشة قرفة

– المقادير السائلة:

  • كوب حليب دافي 🥛
  • بيضتين كاملين + صفار بيضة
  • ملعقة صغيرة فانيلا
  • اصبع زبدة بحرارة الغرفة ( ١٠٠ غرام)
  • رشة قرفة

– مكونات كريمة التشيز:

  • جبن فيلادلفيا (٣٦٠ غرام) او استبدالها ب١٠ حبات جبن مربعات
  • نص كوب سكر بودرة
  • علبة قشطة طازجة
  • بيضة
  • ملعقة صغيرة فانيليا

– للحشوة والزينة:

  • مربى فراولة او توت + فراولة 🍓 او توت 🫐

طريقة التحضير

نخلط المقادير الجافة ثم نضيف لها المكونات السائلة ونعجن لمدة ١٠ دقايق كذا ثم نترك العجينة تتخمر ساعة وعلى ما تتخمر نخلط مكونات كريمة التشيز ونحطها بكيس بعد كذا ناخذ العجينة ونقسمها لكرات متساوية ونخليها في صينية فيها ورق زبدة ونرجع نخليها تتخمر نص ساعه بعدها نسوي حفرة بوسط كل دائرة ونحشيها بكريمة التشيز والمربى وندخلهم الفرن من تحت لين يستوون ثم نفتح عليهم من فوق يتحمرون شي بسيط واول ما يطلعون نزينهم بالفراولة والسكر البودرة وتقدم بالعافية 😋🤍

5/5 - (3 أصوات)

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى