أحدث الوصفاتالاطباق الرئيسية

الكبة النية

الكبة النية

هي من أشهى وأطيب المقبلات الباردة التي يعشقها الذواقة والتي تشتهر فيها سوريا ولبنان وتتواجد الكبة النية بكثرة على موائدنا وخاصة في رمضان ، وهي واحدة من اكثر من عشر انواع الكبة التي تشتهر بها بلاد الشام ، ويفضل ان تكون اللحمة المستخدمة في هذه الكبة لحم خروف طازج ونظيف ، لان اللحم سيؤكل نيئ ، ويفضل ان تشرفي بنفسك سيدتي على الجزار اثناء اقتطاع اللحم
اول طبق عملتو الغاليه الفراكه
تاني طبق الكبه النيه
امي عملتن وعمتي ساعدتا بالتصوير
ربي يطول بعمرن و يحفظن ويحفظ اهلكم
كتير طلبوها مني وامي عملتها كرمالكن
راجاءا يلي بدو يعرف فالوصفه انا حطيتا يطبقها
يلي بدو يحكي كيف وليش نيه بكل بساطه هيدا طبق لبناني اصيل مشهورين في
بكل بساطه ما يشوف الفيديو ولا يطبقها ولا ياكلها
خلو التعليقات استفسار رجاءا مش ليش و كيف نيه
يعني متل يلي بروح مطعم ياباني سوشي يعقد يحكي كيف بياكلو سمك ني 🤔
منكفي اذا الخطوات
بعد طحن اللحم شوفو من الفيديو الاول كيف وتحضير التحويجه
وبعد ما عملت الفراكه
بلشت تحضير الكبه النيه
مننقع برغل تقريبا كاسه برغل ناعم اسمر
بس ليطرا منضيف علي التحويجه الخضرا يلي عملناها من البصل والنعنع والحر و التحويجه
ومندعكن منعجنن مع بعض ليسيرو مخلوطين مع بعض كتير منيح
منضيف اللحمه المطحونه
بعدين منرجع منعجنن كتير منيح واضح بالفيديو ليسيرو متماسكين
مناخد قطعه و منمدها عالصحن و بالشوكه منعمل خطوط ومنحط زيت زيتون بلدي من لبنان معروف زيت زيتون الجنوب من اجود انواع الزيت شوفو لونو و سماكتو 👌🏻 ومنقدمها مع خضره وخبر مرقوق او خبز عادي

الفراكه النيه و الكبه النيه

المقادير

  • ١ كيلو لحم غنم او عجل من الفخذ كيلو برغل ناعم اسمر نص كيلو
  • ٢ بصل
  • ١ نعنع ٢فلفل حر
  • كاسة تحويجه ( بهارات الكبه) #تحويجه يلي بدو يعرف شو هي
  • ملح كاسة ثلج
  • كاسة لية خروف ( شحمه البيضا يلي بالخاروف )
بس تشترو اللحم لازم تنضفو من كل العروق يلي بقلبو وتقطعو قطع متل قطع الشوي و تحطو بالفرامه مع شوية ملح و قطعة تلج بكل دفعه بتطحنوها
الثلج ما بخلي اللحمه تسخن من مكينة الفرم
وبخلي لونها زهر فاتح
لان اذا عالفرم سخنة اللحمه طعمها بيتغير و لونها كمان
منحط بالجرن قطع من اللحم و قطع من الليه ( الشحمه ) مع رشة ملح و منفرم ومنجهز صحن في برغل ناعم اسمر ومنحط القطع عالبرغل ‎#طبخ #طبخات#طبخي#طبخ_عربي

قيم هذه الوصفة

fatmee kitchen 🇱🇧🇰🇼

FATMEE_KITCHEN ‏From Lebanon 🇱🇧 Living in Kuwait 🇰🇼
زر الذهاب إلى الأعلى