أحدث الوصفاتالاطباق الرئيسية

القرصآن

– القرصآن شي لا يقآوم بالنسبه لي 🙊😋👌🏻-

وراح أكتب لكم طريقة أمي فيه ♥️ .

. – الطريقه :

نقطع بصل مكعبات صغيره ونحطها في القدر ونحمس لين يذبل بعدين نضيف لحم مقطع صغير ونحرك لين يتغير لونه و بعدين نحط عليه صلصه وطماطم معصوره او مقطعه مكعبات على راحتكم وبهارات مشكله مطحونه وكمون وفلفل اسود ونتركه على النار لين يتسبّك بعدين نضيف عليه الماء وإذا صار
اللحم نص إستواء نضيف له الخضار المقطعه صغار مره .

الخضار 🙁 جزر وفاصوليا وقرع والقرع مايحتاج طبخ كثير عشان كذا نخليه آخر شي وإذا استوت كلها ) واللي يحب أي نوع خضار يضيفه هالمره أضفنا كوسه مقطعه صغار نحبها 😋👌🏻

وبعدين نكون مجهزين الكشنه:

( بصل مقطع صغير ونحط عليه شوي زيت و إذا بدى يذبل نضيف له الزبده أو السمنه بعدين نضيف الكمون والفلفل الأسود والمسمنه أخذتها من بهارات أمي ساره @buharat_sara ).

بعدين نجهز القرصان الناشف وفي قدر نحط طبقة من القرصان ثم نضيف من المرق ونحركه بملعقه او شوكه عشان يتفلفل مو يصير متلبك على بعض بعدين نضيف طبقه ثانيه وهكذا لين تنتهي الكميه وآخر شي نضيف الكشنه ونحركه خفيف بالشوكه ونخليه على النار ١٠ دقايق يتشرّب الخلطه.

وبعدين عند التقديم يرش بالفلفل الاسود المطحون و شوي من المسمنه .

وبألف عآفيه على قلوبكم ♥️😍
.
. – المسمّنه عباره عن خلطة من البهارات مشهورين فيها اهل القصيم يغلب عليها الليمون الاسود المطحون .

هل الفيديو لا يعمل؟ إضغط هنا

 

المصدر

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى