أحدث الوصفاتالاطباق الشعبية

العصيده

صبااحكم عصيده ريحتها تكفخ هيل وزعفران ومحيوفه بحب 💕

بما ان الجو بدا يبرد والعصيده هذا وقتها بحط لكم طريقتي .
جربوها بطريقتي اتينن 😋😋

وهاذي عصيدتي السهله الخنينه💕

المقادير

القياس فنجان القهوه
2 طحين ابيض
ملعقة صافي الزبده وممكن استبدالها بالزبده العاديه
3 ملاعق خليط الزبده والزيت ووممكن استبداله بالزيت النباتي العادي زيت ذره مثلا .. زيت الزيتون ماينفع ابداااا…

احمس الطحين مع الزبده والزيت على نار هااااديه
اراعي مايحترق
واقلب باستمرار لغاية مايتغير لون الطحين

طبعا العصيده التقليديه يحمسون الطحين بدون زيت
بس طريقتي انا احمس بالزبده والزيت
طعم الطحين المحموس بالزيت شي خيااالي
يعطيكم نكهه واايد الذ
من الطريقة التقليديه
تطلع ريحة الطحين جنه ريحة بندق محمووس

.بنفس الفنجان اللي قست فيه الطحين
احط
2 سكر بني
تقدرون تستبدلونه بالسكر الابيض
وتحمسون الطحين والسكر
انتبهوو بهاذي الخطوه لايحترق السكر
بعدها تضيفون ثلاث اكواب ماي يعني تقريبا لتر ماي الا ربع
وتخلطون بسرررعه لايتكتل الطحين
تالي اضيف الهيل والزعفران
واخليها تطبخ على نار هاااديه عشر دقايق
مع التحريك من فتره لفتره

وايد لذيذه وتدفي
والطعم جنه حلوى.
جربوها بنات بطريقتي وايد بتعجبكم 💕 عصيده 💕
#وصفات_كويت_فود_بلوق . .
تراا مااكو اسهل وابسط من جذي
احاول ابسط لكم الطرق كثر مااقدر
وللعلم عصيدة الكويت تختلف تماما عن العصيده السعوديه
عصيدة السعوديه تكون صااكه وشكلها ولونها غير

الكميه على قدي شويه انتو ضاعفو الكميه كثر ماتبون 😘

هل الفيديو لا يعمل؟ إضغط هنا

 

قيم هذه الوصفة

♥️ بنت الهاشمي ♥️

أول واكبر مدونة كويتيه للأكل . أرملة شاب ورجل عظيم ❤ ahmad atallah . ولأن النعم لاتدوم رحل زوجي 💔 " . Snap 💛: q8food_blog . بوتيكي 👇🏻🖤 dl.boutiqaat.com/Bent-Alhashemi
زر الذهاب إلى الأعلى