أحدث الوصفاتالساندوتشات والمعجنات

الصفيحة اليافاوية

الصفيحة اليافاوية

– للعجين :

  • خمس كاسات طحين
  • رشة ملح
  • معلقة صغيرة سكر
  • نصف معلقة صغيرة باكينغ باودر (اختياري)
  • ثلث كوب زيت نباتي او زيتون حسب رغبتكم
  • ماء دافي (بحرارة الغرفة) للعجن

حتى تتشكل عنا عجينة طرية بنتركها ترتاح ثلث ساعة بعدها بنقطعها لدوائر الحجم حسب مساحة فرد العجين عندكم (انا قطعتها دوائر صغار لاني ما بدي اقسمها من الوسط لو قطعتوا الدائرة حجم كبير حتنفرد معكم كثير وتقسموها من الوسط) وكل قطعة بحط زيت نباتي ع وجها حتى ما تنشف وبرتبهم بصينية مدهونة زيت وبنتركها ترتاح من ساعة فاكثر وكل ما ارتاحت بتفرد معكم افضل انا ريحتها ليلة كاملة.

بفرد كل قطعة حتى تصير بحجم رغيف كبير وشفافة جدا و وبنطوي الاطراف وبنحط الحشوة وبنلفوا بعدها بنلفوا بشكل حلزوني مثل ما هو واضح بالفيديو بحطهم بصينية فرن وبرش الوجه بسمسم اختياري وبدخلهم فرن محمى مسبقا حتى يوخذوا لون التحمير وبس يطلعو بحط ع الوجه سماق اختياري.

– حشوة اللحمة:
بنحط نص كيلو لحمة بطنجرة لحتى تنشف ميتها بنحط عليها زيت نباتي وبصلتين صغار مفرومات ناعم وبنحرك ليذبل البصل بنتبلها بالملح والفلفل الاسود ورشة بهارات مشكلة وبهار لحم وسماق ورشة خفيفة قرفة وهيل وشوية من دبس الرمان وصحة والف هنا.

قيم هذه الوصفة
زر الذهاب إلى الأعلى