أحدث الوصفاتالاطباق البحرية

السآلمون

من يحب السآلمون 😻؟

أتلذذذذذ بطعمه وبأكتب لكم وصفتي بالتفصيل جرّبوها بيعجبكم الطّعم متأكده 😋👌🏻 ..

بالعاده أسويّه ع التاوه بس هالمرّه جربت القلاية الهوائية من السيف غاليري روووعه شويت فيه الفيليه بالشبك اللي جاي معها لمدة 15 دقيقه و هو جاهز 👌🏻

التتبيلة عباره عن :
نص م ص قشر ليمون أخضر ، ثوم مهروس ، شوي زيت زيتون ، فلفل أحمر مجروش ، بهار الليمون من ماركة فرشلي ، أوراق زعتر طازج ..
بعد ما نفرك التتبيله بقطع السالمون من كل الجهات نتركه شوي نص ساعه كذا ثم إذا بالقلاية الهوائيه :
نصفّه ع الشبك ونرتب أوراق الزعتر فوقه بعدين خلاص نقفل الشبك ونشغل القلاية الوقت محدد للسمك 15 دقيقه وأشوف إنه كافي 👌🏻

بالتاوة : أتركها ع النار لين تصير حاره بعدين أضيف شوي زيت زيتون وأحط قطع السالمون على جهة الجلد عشان نبيها تتحمر وتصير مقرمشه ثمن أضفت ملح وفلفل أسود على السالمون نفسه ، وع التاوه نفسها ع الزيت اضيف بهارات ايطاليه + أوراق الزعتر أو الريحان تعطي نكهة حلوة .
ثم راقبي السالمون يمكن ياخذ دقيقتين الى ثلاث على كل جهه أنا أحب أقلبه على كل الجهات الاربع عشان يعطيني لون مميز ويصير من برا متماسك ومن جوا طري .
مايطول ع النار يمكن ١٠ دقايق وبعدين نطفي النار ونخليه ٧دقايق زياده في التاوه قبل مانشيله .

ثم نجيب قدر صغير ونحطه ع النار فيه ربع زبده مع عصير ليمونه . وإذا تحبّون فص ثوم صغنون مهروس ناعم جداً .. ( هذي الطريقه ماتتخيلون كيف تعطي لذااااذه غير شكل 🤤) .
– وعند التقديم : نصبها ع السالمون قبل مانشيله من التاوه بعدين نقدمه مع بطاطس مهروس وجرجير وليمون .. .
وبألف عافيه على قلوبكم ❤️

– ملاحظه /
انتبهو انكم تحطون ليمون مع التتبيله !
أضيفوه عليه بعد ما يستوي السالمون . .

قيم هذه الوصفة

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى