أحدث الوصفاتالاطباق الشعبية

الجريش الابيض

طبختي اليوم من السعودية طبخة شعبية لذيذة جدا .

طبعا هالطبخة لها كذا طريقة .

المقادير

  • جريش كوب ونص .
  • عيش مصري ربع كوب .
  • بصل
  • كمون
  • لومي اسود

طريقة التحضير

حمست بصله بيضه بعدها حطيت نصف دجاجة منزوعة الجلد.
بعدها حطيت الماي وكوب لبن وخليتها تطبخ عشرين دقيقة بعدها حطيت ملعقة كمون وخليتها تطبخ شوي .
بعدها حطيت الجريش والعيش المصري مغسلوين منقوعين نص ساعه.

شيلت الدجاج وحطيت الجريش.
بعدها ضفت لبن لتر او نصف لتر حسب اللي تحبون وعلبة روب انا حبيت اطبخها اكثر باللبن وضفت ماي شوي.
وبالفرن. لا تنسون الملح.

وخليتها بالفرن ساعه يصير اكثر بس انا احب قوامها بهالطريقه ما احبها وايد ناعمة🌺👌

بعدها ضفت الدجاج بعد ما صفينه من العظم. وبالفرن.

الكشنة بصل زيت نقطة دارسين لومي اسود ملعقة كبيره. كركم شوي ملعقة معجون طماط.

وسويت صبار مهم جدا.

اخر شي ضفت خلطة بصله وشوي ليمون كمون فلفل اخضر حار بالمكينه طحنتهم واخر شي حطيت الخلطة عالجريش.

وهذا الشكل النهائي.
روووعة وايد اعجبتني اي شي باللبن احبه.تستحق التجربة.
وبالعافية.

#وصفة_الجريش_الابيض_نادية_كوك

5/5 - (2 صوتين)

نادية كوك | nadia_cooks

❤️طبخات نادية الكويتية🇰🇼 .. سنابي Nadia_cookss .. للاعلان والتغطيات ☎️51445140 .. الممثل القانوني عبدالله الحمادي @trust_lawyer
زر الذهاب إلى الأعلى