أحدث الوصفاتالاطباق الرئيسية

البدنجان المحشي باللحم على الطريقة التركية

مساكم الله بالخير اخواني المتابعين الطيبين ان شاء الله تكونون بخير ايضا اليوم من المطبخ التركي بلمسات وابداعات وبهارات كويتيه خوش طبخه اسمها قارني يارق سووها لغداكم باچر عجيبه ولذيذه جبت بدنجان كويتي ونضفته من الداخل وشلت من غشره الخارجي ليسهل استوائه وجهزت لحم بقر صغير وقطعته صغار وبهرتهه بالكزبر والكمون والفلفل الاسود والملح وحمسته بالزيت لمدة ٤٥ دقيقه حتى استوا وحمست الخضار لوحدهم بصل وفلفل الرومي والطماط والثوم والزنجبيل ومعجون الطماط وثم نزلت عليهم اللحم وتركتهم يستبكون وثم صفيت البطاط بالصينه وفوقه الجزر ثم نزلت عليهم البدنجان كما بالفديو ثم حشيت البدنجان بالخلطه العجيبه ودخلت الصينيه الفرن نص ساعه حرارة ٢٥٠ حتى تتسبك عدل الصراحه لاتطوفكم هذي الطريقه استوت احله من طبخ الاتراك الف مره انا عدلت عليها واجد وضبطتها وتغدينا فيها مع لعيال والحمد لله على النعمه اذا عجبكم الفديو لاتنسوني باللايكات ولاتحرموني من أرائكم والكومنتات الي عودتوني عليها ملاحضه اذا تبي تقلد الطبخه اذكرني بخير بحسابك 🌹🌹🌹🌹

 

قيم هذه الوصفة

Osama Alqassar - اسامه القصار

Osamah Alqassar - اسامه القصار هاوي للطبخ والرحلات للإعلان على الستوري التواصل مع ادارة التسويق واتس اب 👇 +96599807014
زر الذهاب إلى الأعلى