أحدث الوصفاتالمقبلات

اجار الباميا الحصوصي

اجار الباميا الحصوصي

استخدمت نص كيس باميا مجمدة او طازج المتوفر كنت ابي زيرو بس جاب لي كبير وقطعته شرايح
٣-٤ فصوص ثوم وممكن اكثر شرايح
فلفل احمر واخضر حطيت ٢ اخضر صغار وواحد احمر كبير حارمقطع صغار
بهارات صحيحة ( كمون وكزبرة اهم شي وخردل وشمر)
نص م ص او حسب الحرارة فلفل مجروش
نص م ص فلفل احمر حار استخدمت صرار حايل
واحد ونص م ص كزبرة بودرة
م ك معجون طماطم
مقدار من الخل والملح يفضل خشن بس اي شي عادي
زيت زيتون للجار والتغطية وايضا للحمسة
نسلق الباميا شوي ماتطول ثلاث غلوات كذا
في مقلاة نحط كمية حلوة زيت زيتون والبهارات الصحيحة لين يفرقع الخردل ثم اضيف الثوم واحمس ثم الباميا والفلفل واحمس ثم البهارات المطحونة ومعجون الطماطم ونحمس زين واخر شي اتركه يبرد واضيف له خل وملح واحطه بجار او برطمان واحط عليه زيت زيتون واتركه بالثلاجة يوم او يومين قبل التقديم لازم يبرد تمام قبل نغطيه.. عاد حنا ماصبرنا يومين بدانا بالالتهام وعجب العيال مررة فعلا لذيذ

قيم هذه الوصفة

الشيف حصة Chef Hessa

Founder of @tawlifat_hessa Author of tawlifa cookbook 😍 شيف ومدرب معتمد 👩🏻‍🍳 للاعلان ٠٥٥٧٧٩٩٠٤٩
زر الذهاب إلى الأعلى